İsrail  İordan çayının qərb sahilində 6115 fələstinlini həbs edib

7 oktyabr 2023-cü ildən bəri  İordan çayının qərb sahilində İsrail qüvvələri tərəfindən nəzarətə alınan fələstinlilərin sayı 6 min 115-ə yüksəlib.

Oxu24.com xəbər  verir  ki, Fələstin Məhbuslar Dərnəyi ilə Fələstin Azadlıq Təşkilatına bağlı Əsir və Azad Edilən Heyət tərəfindən edilən ortaq yazılı açıqlamada, İsrail qüvvələrinin İordan çayının qərb sahilində həyata keçirdiyi həbslərlə bağlı məlumat verilib.

 

Açıqlamada İsrailin son 24 saatda aralarında uşaqların da olduğu 22 fələstinlini nəzarətə götürdüyü, oktyabrın 7-dən bu yana İordan çayının qərb sahilində nəzarətə alınanların sayının 6115-ə çatdığı bildirilib.

 

İsrail ordusunun Qəzzaya hücuma başladığı 7 oktyabr 2023-cü ildən bəri işğal altındakı İordan çayının qərb sahili və Şərqi Qüdsdə fələstinlilərə qarşı həbslər, basqınlar və hücumlarda artım müşahidə olunur.

 

Müəllif:Afət