Ukraynanın bütün bölgələrində hava hücumu xəbərdarlığı elan edilib.

Oxu24.com  xəbər  verir  ki, bu  barədə   Ukraynanın Rəqəmsal Transformasiya Nazirliyi məlumat yayıb.

Xəritəyə əsasən, saat 13:15-də ölkənin 10 rayonu və paytaxtı “qırmızı zona”ya düşüb. Sirenlər Kiyev, Kirovoqrad, Volın, Çerkassı, Poltava, Sumi, Vinnitsa, Jitomir, Dnepropetrovsk və Çernivtsi vilayətlərində səslənib.

Lakin bir dəqiqə ərzində İvano-Frankivsk, Lvov, Ternopil, Çerniqov, Xmelnitski, Xarkov, Nikolayev və Transkarpat vilayətlərində hava hücumu xəbərdarlığı elan edilib. Eyni zamanda, Donetsk, Zaporojye və Xerson vilayətlərinin Ukrayna hakimiyyətinin nəzarətində olan hissələrinin sakinlərinə mümkün təhlükə barədə xəbərdarlıq edilib.

Daha sonra Odessa və Rivne bölgələri "qırmızı zona"ya düşdü. Vəziyyət, o cümlədən Ukrayna ərazisinə mümkün zərbələr barədə əlavə məlumat hələlik daxil olmayıb.

Yanvarın 20-də Ukrayna hakimiyyəti Kiyevin nəzarəti altında olan Zaporojye vilayətində infrastruktur obyektinin dağıdılması barədə məlumat verib. Partlayışlar nəticəsində obyektə ziyan dəyib.

Müəllif:Nigar