Litva Moldovanın Aİ-yə üzvlüyü ilə bağlı danışıqların mart ayında başlanmasını dəstəkləyib

Litva hesab edir ki, Moldovanın Avropa İttifaqına üzvlüyü ilə bağlı danışıqlar martda başlamalıdır.

 

Oxu24.com xəbər  verir  ki,  bu barədə Litva prezidenti Qitanas Nausedan bildirib.

 

“Litva hesab edir ki, danışıqlar Avropa Parlamentinə seçkilərdən əvvəl, artıq mart ayında başlamalıdır... Lakin Moldova Avropaya inteqrasiya yolunda Ukraynadan geri qalmamalı və Aİ-nin qalan tövsiyələrini çox yaxın gələcəkdə yerinə yetirməlidir”, - Nauseda bildirib.

 

Eyni zamanda, Litva prezidenti Avropa İttifaqının tövsiyələrinin həyata keçirilməsi təcrübəsini Moldova ilə bölüşməyə hazır olduğunu bildirib.

 

Dekabrın 15-də Aİ üzvləri Brüsseldə keçirilən sammitdə Avropa Şurasının rəhbəri Çarlz Mişelin elan etdiyi kimi Moldova və Ukraynanın birliyə daxil olması ilə bağlı danışıqlara başlamaq qərarına gəliblər. Bundan sonra Moldova Prezidenti Maia Sandu ölkəsinin “Avropanın isti qucağını” hiss etdiyini bildirib.

 

Bundan əvvəl Moldovada prezident Aİ-yə üzvlüklə bağlı referendumdan danışdıqdan sonra manipulyasiyada ittiham olunub.

 

Müəllif:Afət