Çin Pakistan və İrandan  "təmkin" göstərmələrini istəyib

İslamabadın Tehranın iki uşağın ölümü ilə nəticələnən hava hücumu həyata keçirdiyini söyləməsindən sonra Çin Pakistan və İrandan "təmkin" göstərmələrini istəyib.

Oxu24.com xəbər  verir  ki, bu barədə  Çin Xarici İşlər Nazirliyinin sözçüsü Mao Ning çərşənbə günü keçirdiyi brifinqdə deyib.

 

"Biz hər iki tərəfi təmkinli olmağa, gərginliyi artıracaq hərəkətlərdən çəkinməyə və sülh və sabitliyi qorumaq üçün birlikdə işləməyə çağırırıq".

“Biz həm İrana, həm də Pakistana yaxın qonşular və əsas İslam ölkələri kimi baxırıq”, o əlavə edib.

Pakistan Pəncqur hücumunda İran hökumətini, İslam İnqilabı Keşikçiləri Korpusunu və kəşfiyyatı günahlandırır.

Çərşənbə axşamı günü Pakistan ortaq sərhədləri yaxınlığındakı zərbəni pisləyib, bunu "tamamilə qəbuledilməz" adlandırıb və bunun əsassız olduğunu bildirib.

İran dərhal rəsmi açıqlama yaymayıb, lakin onun dövlət xəbər agentliyi Npr News bildirib ki, əməliyyat nəticəsində Ceyş əl-Adl qrupunun Bəlucistanın Pəncqur rayonundakı qərargahı məhv edilib.

 

Müəllif:Afət