Səudiyyə Ərəbistanı BRİKS-ə üzv olmaq üçün dəvət alıb, lakin ölkə hələ də rəsmi olaraq assosiasiyaya üzv olmayıb.

“Al-Arabiya” xəbər verir ki, bu barədə Krallığın ticarət naziri Məcid əl-Kəsabi Davosda keçirilən Dünya İqtisadi Forumunun iclasında bildirib.

"Səudiyyə Ərəbistanı BRİKS-ə dəvət olunub, lakin biz hələ rəsmi olaraq üzv olmamışıq", - o, bununla bağlı suala cavab verib.

Krallığın rəsmi olaraq assosiasiyaya yeni üzv olması faktını yanvarın 2-də Səudiyyə Ərəbistanının dövlət televiziyasına istinadən Reuters agentliyi yayıb. Assosiasiyanın 2023-cü ilin avqustunda keçirilən 15-ci sammitində Cənubi Afrika Respublikasının Prezidenti Siril Ramafosa da Səudiyyə Ərəbistanı, Misir, Efiopiya, İran və BƏƏ-nin yanvarın 1-dən rəsmi olaraq BRİKS-in üzvü sayılacağını bildirib.

Müəllif:Afət