Türkiyə Suriyanın şimalında və İraqda əməliyyatlarını davam etdirəcək

Türkiyə öz təhlükəsizliyini tam təmin edənə qədər Şimali Suriya və İraqda əməliyyatlarını davam etdirəcək.

 

Oxu24.com  xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra xalqa müraciətində bildirib.

 

Dövlət başçısının sözlərinə görə, yalnız transsərhəd əməliyyatların əhatə dairəsinin genişləndirilməsi müzakirə olunur.

“Terrorçuların yuvalarını tamamilə dağıtmayana qədər dayanmayacağıq. Türkiyənin təhlükəsizliyi tam təmin olunana qədər Suriya və İraqın şimalında əməliyyatlar davam edəcək”, - deyə Ərdoğan bildirib.

O, həmçinin əlavə edib ki, Ankaranın Türkiyənin terror təşkilatı kimi tanıdığı Kürdüstan Fəhlə Partiyasına qarşı qətiyyətli mübarizəsi xarici qüvvələrin narazılığına səbəb olur.

Bundan əvvəl Ərdoğan bildirib ki, İsrail gec-tez Qəzza zolağında törədilən hərbi cinayətlərə görə məsuliyyət daşıyacaq.

Türkiyənin xarici işlər naziri Hakan Fidan isə xəbərdarlıq edib ki, Qəzzada hazırda heç bir həlli olmayan münaqişə yeni münaqişələrə səbəb ola bilər ki, bu da indi baş verir.

Bundan əvvəl Türkiyə Qəzza ilə bağlı mövqeyinə görə Davos Forumunda iştirakdan imtina etmişdi.

 

Miri