Tramp ABŞ-ın cənubdakı sərhədini “möhürləməyə” söz verdi

ABŞ-ın keçmiş prezidenti Donald Tramp bildirib ki, 2024-cü il seçkilərində qalib gəlsə, ölkənin cənub sərhədini “möhürləmək” niyyətindədir.

 

Oxu24.com  xəbər  verir  ki,bu barədə RİA Novosti məlumat yayıb.

 

Siyasətçi müvafiq bəyanatı Des Moinesdə tərəfdarları qarşısında çıxışı zamanı verib.

 

Tramp vurğulayıb ki, onun dövründə ABŞ-dan miqrantların deportasiya səviyyəsi Duayt Eyzenhauer administrasiyasının (1953-1961) səviyyəsinə çatacaq.

Tramp prezidentlik yarışındakı rəqibi, hazırkı ABŞ prezidenti Co Baydeni də tənqid edib. O, rəqibini ölkə tarixinin ən pis prezidenti adlandırıb.

Bununla bağlı Tramp ABŞ-ın siyasi qüvvələrini hamının şahidi olduğu “vəziyyəti düzəltmək, həmçinin problemləri həll etmək və dağıntıları aradan qaldırmaq üçün” birləşməyə dəvət edib.

Bir müddət əvvəl məlum olmuşdu ki, Ayova ştatında keçirilən ilkin seçkilərdə Respublikaçılar Partiyasından olan ilkin səsvermənin nəticələrinə görə, Tramp bütün digər namizədlər arasında liderdir. Siyasətçi bu səsvermənin nəticələri ilə fəxr etdiyini bildirib.

Tramp daha əvvəl özünü Al Kapone ilə müqayisə edib.

 

Müəllif: Nigar