Türkiyə Rusiya ilə hərbi ittifaq yaratmaq istəyir

Türkiyənin Vətən Partiyasının lideri Doğu Perinçək Kürdüstan Fəhlə Partiyasının hərəkətləri nəticəsində ölkəsinin məruz qaldığı terror təhlükəsini aradan qaldırmaq üçün Türkiyə ilə İraq, İran, Rusiya və Suriya arasında hərbi ittifaq yaratmaq təşəbbüsü ilə çıxış edib. 

 

Oxu24.com  xəbər  verir  ki, bu barədə “Aydınlık” qəzeti yazır.

Qəzet siyasətçinin bəyanatından sitat gətirir: “Suriya və İraqın şimalında separatçı və psevdoislam terror təşkilatlarını məhv etmək üçün Suriya, İraq, İran və Rusiya ilə təcili hərbi əməkdaşlıq qurmaq lazımdır”.

 

Bu, ötən həftənin sonunda PKK yaraqlılarının İraqın şimalında türk hərbçilərinə hücumu nəticəsində doqquz əsgərin ölümünə cavab olub.

 

Buna cavab olaraq Türkiyə Hərbi Hava Qüvvələri Şimali İraq və Suriyada bir neçə hava əməliyyatı keçirərək 70-dən çox terrorçunu məhv edib, onların sığınacaqlarını, logistik infrastrukturunu, neft anbarlarını və digər obyektlərini məhv edib.

 

Perincek Türkiyənin dərhal NATO və ABŞ administrasiyasına etiraz notası göndərməsinin tərəfdarı olduğunu bildirib və bu notada Ankaranın müttəfiqlərinin bundan sonra “türk əsgərinə vurulan ilk atəşə” görə məsuliyyət daşıyacağını qeyd edib.

 

Bundan əlavə, o, Türkiyədə yerləşən ABŞ və NATO bazalarının dərhal türk ordusu tərəfindən nəzarətə götürülməsini və Türkiyə parlamentinin İsveçin NATO-ya üzv olmaq ərizəsini rədd etməsini təklif edib.

 

Müəllif: Miri