İsrail kəşfiyyatı: HƏMAS Avropada terror aktları planlaşdır

HƏMAS hərəkatının Avropada öz yaraqlı şəbəkəsi var və bu şəbəkəni qrupun Livandan olan yüksək rütbəli komandirləri əlaqələndirirlər.

 

Oxu24.com xəbər  verir  ki,Bu barədə İsrailin baş naziri Benyamin Netanyahunun ofisi ölkənin kəşfiyyat xidmətləri Mossad və Shabak ilə birgə bəyanatında bildirib.

“Davam edən kəşfiyyat səyləri nəticəsində HƏMAS terror təşkilatının dünyadakı günahsız insanları hədəfə almaq üçün xaricdə zorakılıq fəaliyyətini genişləndirməyə çalışdığını göstərən əhəmiyyətli miqdarda məlumat ortaya çıxıb”, - deyə bəyanatda qeyd olunub.

Kəşfiyyat orqanlarının məlumatına görə, HƏMAS Yaxın Şərq, Afrika və Avropada terror aktları planlaşdırırdı. Xüsusilə, 2023-cü ilin dekabrında Almaniya, Hollandiya və Danimarkada yəhudilərə qarşı hücumlar hazırlayan Həmas hücrələrinin yeddi üzvü saxlanılıb.

İsrail kəşfiyyat agentlikləri bildiriblər ki, yaraqlıların nəzərdə tutduğu hədəflərdən biri Stokholmdakı İsrail səfirliyi olub. Məqsədlərinə çatmaq üçün terrorçular pilotsuz təyyarələr alır, həmçinin Avropada mütəşəkkil cinayətkar qrupların üzvlərini cəlb edirdilər.

“Həmas İran rejiminin terror fəaliyyətlərindən ilham alır və həmçinin nəyin bahasına olursa olsun İsrail və Qərb hədəflərinə hücum etməyə çalışır”, - deyə bəyanatda bildirilir. Press-relizdə başqa təfərrüatlar verilməyib.

 

Müəllif:Afət