Almaniya Tayvanla əməkdaşlığı genişləndirmək üçün şərti açıqlayıb

Almaniya Tayvanla bir Çin prinsipi çərçivəsində əməkdaşlığı genişləndirməyə hazır olduğunu bəyan edib.

 

Oxu24.com  xəbər  verir  ki, bu barədə Almaniya Xarici İşlər Nazirliyi məlumat yayıb.

 

Diplomatik şöbə Tayvan xalqının demokratik dəyərlərə və azad seçkilərə sadiqliyini qeyd edib.

 

Almaniya Xarici İşlər Nazirliyinin bəyanatında deyilir: “Biz bütün seçiciləri, bu seçkilərdə iştirak edən namizədləri, eləcə də seçilənləri təbrik edirik”.

 

Onlar Almaniyanın Tayvanla bir çox sahələrdə sıx əlaqələr saxladığını və Vahid Çin Siyasətinə uyğun olaraq onları daha da genişləndirmək istədiyini qeyd ediblər.

 

Bundan əlavə, nazirlik regionda sülhün və sabitliyin qorunmasının vacibliyini vurğulayıb.

 

“Almaniya status-kvonun saxlanması və etimadın yaradılmasına sadiqdir. Status-kvonun dəyişdirilməsi yalnız sülh yolu ilə və qarşılıqlı razılaşma əsasında baş verə bilər. Ümid edirik ki, hər iki tərəf dialoqun bərpası üçün səylərini davam etdirəcək”, - alman diplomatları bildirib.

Çin Xarici İşlər Nazirliyi Tayvanda keçirilən seçkilərin nəticələrini şərh edərək, adanın statusu məsələsini ÇXR-in daxili işi adlandırıb. Tayvan hakimiyyəti bu yanaşmanı gülünc adlandırıb.

Bundan əvvəl Çin ABŞ Konqresinin üzvlərinin Tayvana səfər etməsinə qarşı idi.

 

Müəllif:Afət