Hakan Fidan ingilis həmkarı ilə danışdı

Türkiyənin  Xarici işlər naziri Hakan Fidan Böyük Britaniyanın xarici işlər naziri Devid Kemeronla telefonla danışıb.

 

Oxu24.com  xəbər  verir  ki, diplomatik mənbələrdən əldə edilən məlumata görə, xarici işlər naziri Fidan yaxın coğrafiyamızda onsuz da çoxlu münaqişələrin olduğuna diqqət çəkib və Ədən körfəzindəki gərginliyin azaldılması lazım olduğunu bildirib.

 

Fidanın Türkiyənin bu mövzuda üzərinə düşən vəzifəni yerinə yetirməyə hazır olduğunu bildirdiyi görüşdə Qəzzadakı son vəziyyət də müzakirə edilib.

 

Xarici işlər naziri Fidan Qəzzada müharibə və fələstinlilərə qarşı zorakılıqların ən qısa zamanda sona çatması lazım olduğunu, gərginliyin artmasının regional təhlükəsizlik və beynəlxalq sabitlik üçün ciddi risk yaratdığını vurğulayıb.

 

Müəllif:Afət