İsrailin daimi nümayəndəsi BMT-nin Haaqada mühakimə olunmasını təklif edib

İsrailin BMT-dəki daimi nümayəndəsi Gilad Erdan bildirib ki, təşkilat Fələstinin radikal HƏMAS hərəkatının hücumlarında şərik kimi Haaqa Beynəlxalq Cinayət Məhkəməsində mühakimə olunmalıdır.

 

Oxu24.com  xəbər  verir  ki, bu barədə TASS məlumat yayıb.

 

“Göz yumduğuna görə Haaqadakı məhkəmə prosesində BMT iştirak etməlidir”,-deyə  məlumatda  qeyd  edilir.

 

Onun sözlərinə görə, təşkilat Qəzzada HƏMAS tunellərinin yaradılmasında, eləcə də raket istehsalı üçün beynəlxalq yardımdan istifadə edilməsində şərik olub.

 

O qeyd edib ki, Cənubi Afrikanın İsrailə qarşı soyqırım ittihamı ilə iddiası “BMT və onun təsisatlarının terror təşkilatlarının əlində necə silaha çevrildiyini nümayiş etdirir”.

 

Yəhudi dövlətini təmsil edən vəkil Gilad Noy iclasda bildirib ki, İsrail Beynəlxalq Ədalət Məhkəməsindən Cənubi Afrikanın Soyqırım Cinayətinin Qarşısının Alınması və Cəzalandırılması haqqında Konvensiyanın mümkün pozulması ilə bağlı qaldırdığı iddiaya baxmaqdan imtina etməyi xahiş edir. Hüquqşünas qeyd edib ki, söhbət hər iki tərəfdən mülki əhali üçün faciəvi nəticələrə səbəb olan genişmiqyaslı silahlı münaqişədən gedir.

 

Bundan əvvəl İsrailin keçmiş baş naziri Cənubi Afrikanın Qəzzadakı hərəkətlərlə bağlı BMT-dəki iddiasına cavab verib.

 

Müəllif: Miri