Səfir  Xarici İşlər Nazirliyinə çağırılıb

Gürcüstan Xarici İşlər Nazirliyi Danimarkanın Tbilisidəki səfiri Ann Torf Sorenseni Danimarkanın “Jyllands-Posten” nəşrindəki məqaləsinə görə nazirliyə  çağırıb.

 

Həmin məqalədə diplomat hakim “Gürcü Arzusu – Demokratik Gürcüstan” partiyasının təsisçisi Bidzina İvanişvilini “oliqarx” adlandırıb.

 

Oxu24.com  xəbər  verir  ki,bu barədə “İmedi” telekanalı məlumat yayıb.

 

Qeyd edildiyi kimi, səfirin günün sonuna kimi Xarici İşlər Nazirliyində olması gözlənilir.

 

Ölkənin Aİ-yə namizəd statusundan sonra Gürcüstanın Avropa perspektivlərinə dair məqaləsində Sorensen yazır ki, “Gürcü arzusu”nu “1990-cı illərdə Rusiyada var-dövlət qazanmış oliqarx Bidzina İvanişvili” təsis edib.

 

Diplomat həmçinin qeyd edir ki, Gürcüstan Ukrayna və Aİ tərəfindən “Rusiyaya dost siyasət” yürütdüyünə görə tənqid olunub.

 

Danimarka səfirinin açıqlamaları Gürcüstanın hakim partiyasında tənqidlərə səbəb olub. Xüsusilə Tbilisi meri və partiyanın baş katibi Kaxa Kaladze Sorensenin açıqlamalarını “çirkli” adlandırıblar.

 

Müəlli:Afət