Çin ABŞ üçün qırmızı xətlər çəkir

Çin Xarici İşlər Nazirliyinin sözçüsü Mao Ning cümə axşamı keçirdiyi brifinqdə deyib ki, Tayvan məsələsi Çinin əsas maraqlarının ən mühümü və Çin-ABŞ münasibətlərində keçilə bilməyən ilk qırmızı xəttdir.

Oxu24.com  xəbər  verir  ki, "Tayvan məsələsi Çinin daxili işidir və Tayvan bölgəsindəki seçkilər heç bir kənar müdaxiləyə dözməyən Çinin yerli işləridir" ,-deyə  Mao Ning  bildirib.

 

O, ABŞ-ın Tayvandakı seçkilərlə bağlı açıq şəkildə “məsuliyyətsiz açıqlamalar” etdiyini vurğuladı, “Çin də öz növbəsində kəskin narazılığını ifadə edir və buna qəti şəkildə qarşı çıxır”.

 

“Vurğulamaq istəyirəm ki, Tayvan məsələsi Çinin əsas maraqlarının ən mühümüdür və Çin-Amerika münasibətlərində keçilə bilməyən ilk qırmızı xəttdir”, - diplomat bildirib.

 

Çin Xarici İşlər Nazirliyinin sözçüsü əlavə edib ki, Çin Xalq Respublikası “milli suverenlik, təhlükəsizlik və ərazi bütövlüyünü qorumaq üçün qəti və təsirli tədbirlər görəcək”.

 

Yanvarın 13-də Tayvan administrasiyasının rəhbəri seçkiləri və Qanunverici Yuan - adanın parlamenti üçün seçkilər keçiriləcək.

 

Tayvan administrasiyasının rəhbəri və müavini postları uğrunda mübarizədə üç siyasi partiyadan üç tandem iştirak edir: Tayvan Xalq Partiyası, Demokratik Tərəqqi Partiyası və Kuomintang Partiyası. Administrasiya rəhbəri ümumi səsvermə yolu ilə seçilir, qalib ən çox səs toplayan namizəddir, ikinci tur yoxdur.

 

Müəllif: Nigar