Ukraynanın iki PUA-sı vuruldu

Çərşənbə günü Kursk vilayətinin sərhəd Qluşkovski rayonunda elektron döyüş avadanlığından istifadə edilməklə Ukraynaya məxsus iki hücum pilotsuz təyyarəsi məhv edilib.

 

Oxu24.com  xəbər  verir   ki, bu barədə Fövqəladə Hallar Nazirliyinin nümayəndəsi RİA Novostiyə  bildirib.

 

Yanvarın 10-da saat 16.20-də Ukrayna istiqamətindən Qluşkovski rayonuna gələn iki kamikadze pilotsuz təyyarənin elektron döyüş qüvvələri tərəfindən məhv edilməsi barədə məlumat daxil olub.

 

Yerə düşəndən sonra hər iki pilotsuz təyyarə partlayıb. Dağıntı və tələfat olmayıb.

 

Bundan əvvəl Rusiya Silahlı Qüvvələrinin mütəxəssisi Ukrayna Silahlı Qüvvələrinin əldəqayırma pilotsuz təyyarələrdən istifadəsinin artmasına diqqət çəkib.

 

Müəllif: Nigar