İsrail HƏMAS-la müharibə başlayandan bəri onlarla fələstinli jurnalisti həbs edib

İsrail təhlükəsizlik qüvvələri 2023-cü il oktyabrın 7-də HƏMAS-ın israillilərə radikal hücumundan sonra ümumilikdə 38 fələstinli jurnalisti həbs edib.

 

Oxu24.com  xəbər verir ki, bu barədə “Sərhədsiz Reportyorlar” beynəlxalq qeyri-hökumət təşkilatı məlumat yayıb.

 

Təşkilat iddia edir ki, bu jurnalistlərin həbsi açıq şəkildə “Fələstin mediasını susdurmaq” məqsədi ilə həyata keçirilib.

 

Oktyabrın 7-də minlərlə silahlı Həmas tərəfdarının Qəzza zolağından İsrailə daxil olması, dinc əhaliyə hücum etməsi və 200-dən çox girovu qaçırması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu bəyan edib.

 

Quru əməliyyatı başladıldı, onun məqsədi girovların qaytarılması və HƏMAS-ın tamamilə məhv edilməsi idi.

İsrail Qəzza zolağına su, ərzaq, mal, elektrik və yanacaq tədarükünü dayandırmaq qərarına gəlib və kütləvi atəşə başlayıb.

Noyabrın 22-də İsrail və HƏMAS humanitar fasilə və bəzi girovların azad edilməsi barədə razılığa gəliblər. Atəşkəs həftəsi ərzində Həmas 110 girovu geri qaytarıb.

Dekabrın 5-də İDF Fələstin anklavında quru əməliyyatının üçüncü hissəsinə başlayıb və Xan Yunis şəhərini mühasirəyə alıb.

Bundan əvvəl baş nazir Netanyahu İsrailin HƏMAS-la müharibədəki məqsədlərini açıqlamışdı.

 

Müəllif: Nigar