Şimali Koreya lideri Kim Çen In və qızı Kim Ju Ae mobil ballistik raket buraxılış qurğuları istehsal edən zavoda baş çəkib.

Oxu24.com  xəbər  verir  ki,bu barədə KCNA məlumat yayıb.

Səfər zamanı KXDR lideri müəssisənin işi ilə tanış olub və buraxılış maşınlarına baxıb, zavodun 2023-cü ildə istehsal planını artıqlaması ilə yerinə yetirə bildiyini bildirib.

Kim Çen In zavodun 2024-cü il üçün hədəflərini də qoyub.

Bundan əvvəl KXDR “Hwasong-18” qitələrarası ballistik raketini (ICBM) sınaqdan keçirib və bununla da ABŞ və Cənubi Koreyanın düşmənçilik hərəkətlərinə cavab verib. Raketin 6518,2 km maksimum uçuş hündürlüyündə 1002,3 ​​km məsafəni 4415 saniyəyə qət edə bildiyi bildirilir.

Şimali Koreya lideri Kim Çen In qeyd edib ki, “Hwasong-18” qitələrarası ballistik raketinin sınağı ABŞ-ın “səhv qərar” qəbul edəcəyi təqdirdə Şimali Koreyanın nəyə hazır olduğunun göstəricisidir.

Bundan əvvəl KXDR ABŞ sualtı qayığının Cənubi Koreyaya daxil olmasını “nüvə silahından istifadə üçün şərt” adlandırmışdı.

Müəllif:Afət