Ərdoğan Zelenski ilə danışdı

Türkiyə Prezidenti  Rəcəb Tayyib Ərdoğan ilə Ukrayna Prezidenti Vladimir Zelenski arasında telefon danışığı olub.

Oxu24.com  xəbər  verir  ki,  telefon  danışığı  zamanı  regional və qlobal problemlər, xüsusilə Ukrayna-Rusiya müharibəsi müzakirə edilib.

 

Prezident Ərdoğan danışıq  zamanı bildirib ki, Türkiyə həm Ukraynada, həm də Fələstin torpaqlarında axan qanların dayandırılması və davamlı sülhün təmin edilməsi üçün sıx səylər göstərir.

Prezident Ərdoğan bildirib ki, Türkiyə Ukraynada sülhün təmin olunması üçün vasitəçi rolunu üzərinə götürməyə və sülh danışıqlarına ev sahibliyi etməyə hazırdır.

Prezident Ərdoğan taxıl dəhlizinin yenidən qurulmasının və fəaliyyətə başlamasının vacib olduğunu və bu məqsədlə diplomatik təmasları davam etdirdiyini bildirib və Ukraynada ən qısa zamanda atəşkəsin yaradılması və sülh üçün qapının açılması lazım olduğunu bildirib.

 

Müəllif: Miri