Səudiyyə Ərəbistanı rəsmi olaraq BRİKS-ə qoşulub.

Oxu24.com  xəbər  verir  ki,bu barədə Səudiyyə Ərəbistanının dövlət telekanalı “Al Ekhbariya” məlumat yayıb.

“Krallığın Rusiya, Çin və digər ölkələrin daxil olduğu BRİKS qrupuna tamhüquqlu üzvlüyü rəsmən başlayıb ki, bu da onun dünyada mövqeyini gücləndirir”, - telekanalın açıqlamasında deyilir.

22-24 avqust 2023-cü il tarixlərində Yohannesburqda keçirilən BRICS sammitində Argentina, İran, Efiopiya, Misir, Səudiyyə Ərəbistanı və BƏƏ-nin 2024-cü il yanvarın 1-dən kluba qoşulması qərara alınıb.

Dekabrın 29-da Argentina qoşulmadan bir neçə gün əvvəl BRICS-i tərk etdi.

Həmin gün ölkə prezidenti Xavyer Maylinin administrasiyası bu qərarı şərh edib. Onlar bildiriblər ki, BRİKS-ə qoşulmağın zəruriliyi məsələsi diqqətli təhlil tələb edir.

Dekabrın 25-də Rusiyanın xarici işlər naziri Sergey Lavrov NTV telekanalına müsahibəsində deyib ki, BRİKS bir assosiasiyadır və onu katibliyi olan real təşkilata çevirmək olmaz.

Bundan əvvəl Rusiya Federasiyası BRİKS-də sədrliyə başlayıb.

Müəllif:Miri