Fransa Nigerin paytaxtı Niameydəki səfirliyini növbəti xəbərdarlığa qədər bağlayıb.

Oxu24.com   xəbər verir ki, bu barədə Fransa Xarici İşlər Nazirliyinin kommünikesində bildirilib.

Fransa Xarici İşlər Nazirliyinin bildirdiyi kimi, səfirlik Parisdən fəaliyyətini davam etdirəcək.

Dekabrın 22-də Fransa nəhayət Nigerdən son hərbi kontingentini çıxarıb.

Dekabrın 13-nə olan məlumata görə, Nigerdə ​​cəmi 157 fransız əsgəri qalıb və Niger Silahlı Qüvvələri dekabrın 22-ni fransız əsgərlərinin ölkədə qalması üçün son gün kimi rəsmi olaraq elan edib.

Dekabrın əvvəlində Niger Niameydə birlik missiyasına ev sahibliyi etmək icazəsini ləğv edərək, Avropa İttifaqı ilə hərbi əlaqələri kəsib.

İyulun 26-da Niger prezidentinin mühafizəsi prezident Mohamed Bazoumu paytaxt Niameydəki iqamətgahında saxlayıb. Prezident qvardiyası Bazumun iqamətgahına girişi bağlayıb və danışıqlar aparanların onu azad etmək tələblərini rədd edib. Bildirilib ki, üsyançılar prezidenti istefa ərizəsini imzalamağa məcbur edirlər, lakin o, bundan imtina edib. Nigerdə ​​bütün qurumların işi dayandırılıb, ölkə sərhədləri bağlanıb. KİV-in məlumatına görə, üsyana səbəb Niger prezidentinin prezident qvardiyasının komandiri general Ömər Çianinin işdən çıxarılması məsələsini gündəmə gətirməsi olub.

Əvvəllər Niger Frankofoniyadan qovulmuşdu.

Müəllif:Nigar