Kanada Ukraynanı əlavə NASAMS sistemləri ilə təchiz edib

Ukrayna Prezidenti Vladimir Zelenski Telegram kanalında Kanadanın Baş naziri Castin Trüdo ilə danışıqlar apardığını bildirib.

 

Oxu24.com  xəbər verir ki,Ukrayna liderinin sözlərinə görə, o, Trüdoya əlavə NASAMS hava hücumundan müdafiə sistemləri və onlar üçün mərmilərin tədarükünə görə təşəkkür edib.

 

Zelenski əlavə edib ki, o, Kanadanın baş naziri ilə Ukrayna üçün təhlükəsizlik təminatları üzrə danışıqların intensivləşdirilməsi ilə bağlı razılığa gəlib.

Bundan əvvəl Münhen Təhlükəsizlik Konfransının keçmiş rəhbəri Volfqanq İşinqer Qərb ölkələrinin Ukraynaya dəstək mövqeyini tənqid edib. O, Kiyevin müttəfiqlərini bu məsələdə “passiv” mövqedən aktiv mövqeyə keçməyə çağırıb.

Dekabrın 30-da Böyük Britaniya Müdafiə Nazirliyinin rəhbəri Qrant Şapps bildirib ki, London Kiyevə yüzlərlə hava hücumundan müdafiə raketi ötürəcək.

Ukrayna Müdafiə Nazirliyi həmçinin bəyan edib ki, 2024-cü ildə Fransada Kiyevi sursat və artilleriya ilə təmin edəcək artilleriya koalisiyası fəaliyyətə başlayacaq.

Bundan əvvəl Ukrayna Silahlı Qüvvələrinin komandanı Rusiya Federasiyasının FPV pilotsuz təyyarələrinin istifadəsində üstünlüyə malik olduğunu bildirmişdi.

 

Müəllif:Afət