G7-nin Rusiyadan almaz idxalına qadağası qüvvəyə minir

2024-cü il yanvarın 1-də G7 ölkələrinin (ABŞ, Kanada, Almaniya, Böyük Britaniya, Fransa, İtaliya və Yaponiya) Rusiyadan Avropa İttifaqına qeyri-sənaye təbii almazları, süni almazları və tərkibində brilyant olan zərgərlik məmulatlarının idxalına qadağa qoyub.

 

Oxu24.com  xəbər  verir  ki, G7 2023-cü ilin dekabrında Rusiya iqtisadiyyatını zəiflətməyə yönəlmiş müvafiq qərarını açıqlayıb.

 

Həmçinin, 2024-cü il martın 1-dən G7 ölkələri üçüncü ölkələrdə emal olunmuş 1 karatlıq rus almazlarının idxalını məhdudlaşdıracaq.

 

Eyni zamanda, 2024-cü il sentyabrın 1-dək bu tədbirlərin gücləndirilməsi məqsədilə kobud almazların yoxlanılması və sertifikatlaşdırılması mexanizmini yaratmaq niyyətindədirlər.

 

Bundan əlavə, bu ilin sentyabrın 1-dən Aİ ölkələri üçüncü ölkələrdə emal olunmuş sintetik brilyantların, çəkisi 0,5 karat və ya daha çox olan rus brilyantlarından istifadə edilməklə üçüncü ölkələrdə hazırlanmış zərgərlik məmulatlarının və qol/cib saatlarının idxalını dayandıracaq.

 

G7-nin müvafiq qərarını şərh edən Rusiyanın maliyyə naziri Anton Siluanov bildirib ki, qlobal almaz bazarı sabitdir. O, rus almazlarının yeni bazarlar tapacağına əminliyini ifadə edib.

 

Bundan əvvəl Mərkəzi Bankın rəhbəri Elvira Nabiullina Rusiya Federasiyasına qarşı ən ağrılı sanksiyaların adını çəkib.

 

Müəllif:Afət