Almaniyada avtomobildən istifadə edərək terror aktı hazırlamaqda şübhəli bilinən 3 nəfər saxlanılıb.

Oxu24.com  xəbər verir ki,Bu barədə DPA agentliyi Köln polisinin nümayəndəsinə istinadən məlumat yayıb.

Nəşr qeyd edir ki, hücum üçün potensial hədəflərdən biri kimi şəhərin simvolu və Almaniyanın ən məşhur attraksionlarından biri olan Köln Katedrali adlandırılıb.

Dünyanın ən hündür üç kilsəsindən biridir və YUNESKO-nun Ümumdünya İrs Siyahısına daxil edilmişdir.

Bundan əvvəl məlum olub ki, Fransa hüquq-mühafizə orqanlarının əməkdaşları respublika ərazisində terror aktı hazırlamaqda şübhəli bilinərək saxlanılan 5 gənci azad ediblər.

Dekabrın 23-də Fransanın “Est Republicain” qəzeti bir gün əvvəl Milli Antiterror Prokurorluğunun rəhbərliyi altında terrorla mübarizə xidmətlərinin beş nəfəri saxladığını bildirib. Buna səbəb ölkədə terror aktına hazırlıqla bağlı şübhələr olub.

Nəşrin məlumatına görə, kişilər Nensi şəhərində nəzarətə götürülüb. Beş nəfərin hamısı eyni vaxtda saxlanılıb.

Müəllif:Afət