Ukrayna Amerikanın HARM raketləri ilə Belqorod vilayətinə hücum edib

Rusiya hərbçiləri Rusiya ərazisindəki hədəflərə Amerikanın HARM antiradar raketlərindən istifadə etməklə Ukraynanın hücumunu dayandırıb.

 

Oxu24.com  xəbər  verir  ki,  Rusiya Müdafiə Nazirliyinin məlumatına görə, üç mərmi vurulub.

 

"Dekabrın 29-da saat 15.00 radələrində Kiyev rejiminin terror aktı törətmək cəhdinin qarşısı alınıb. ABŞ-da istehsal olunmuş 3 Ukrayna HARM raketi Belqorod vilayəti ərazisində növbətçi hava hücumundan müdafiə sistemləri tərəfindən məhv edilib",-deyə  Müdafiə Nazirliyindən verilən  məlumatda  qeyd  edilib.

Bu gün səhər saatlarında vilayətin qubernatoru Vyaçeslav Qladkov Belqorod üzərində hava hücumundan müdafiə sisteminin işə düşdüyünü açıqlayıb.

 

O, təfərrüatları açıqlamayıb, lakin hava hədəfinin şəhərə yaxınlaşarkən vurulduğunu bildirib.

 

Qubernatorun sözlərinə görə, ilkin məlumata görə, hadisə nəticəsində tələfat və dağıntı olmayıb.

 

Müəllif:Afət