ABŞ Ukrayna münaqişəsinə marağı tamamilə itirdiyinə görə Kiyevə ayrılan maliyyəni tədricən donduracaq.

Oxu24.com  xəbər  verir  ki, bu fikri “İzvestiya”ya müsahibəsində Müasir Dövlətlərin Beynəlxalq İnstitutunun direktoru Aleksey Martınov deyib.

Martınov diqqəti ona çəkib ki, hər dəfə Kiyevə vəd edilən məbləğ daha da azalır.

Politoloqun qeyd etdiyi kimi, bu, açıq-aydın mənfi dinamikadır - ABŞ-ın bu “mənasız hekayəyə” pul xərcləmək qabiliyyətinin itirilməsi və maraq itkisidir.

"Düşünürəm ki, Birləşmiş Ştatlar ən azı Baydenin başında olduğu müddətdə dəstəyini davam etdirəcək. Amma güman edirəm ki, onlar yavaş-yavaş bütün yardımları donduracaqlar", - Martınov öz fikrini bildirib.

Bu gün, politoloqun qeyd etdiyi kimi, Ukrayna işi Bayden üçün açıq şəkildə zəhərlidir. Onun sözlərinə görə, Ukraynaya verilən pullar amerikalıların özləri üçün daha faydalı işlərə xərclənə bilərdi.

Xatırladaq ki, Pentaqon daha əvvəl Ukraynaya 250 milyon dollar dəyərində yeni hərbi yardım paketinin ayrıldığını açıqlamışdı.

Əvvəllər bildirilirdi ki, ABŞ Ukraynaya yardım üçün maliyyə mənbələrini faktiki olaraq tükəndirib. Dövlət Departamentinin mətbuat xidmətinin rəhbəri Metyu Miller bəyan edib ki, departament Kiyev üçün əlavə maliyyə dəstəyi verməyə hazırdır. Amma ABŞ-ın Ukraynaya verə biləcəyi yalnız bir yardım paketi qalıb. Gələcəkdə dəstək seçimləri tükənəcək.

Müəllif: Nigar