Bu il Məhərrəmlik ayında Aşura günü münasibətilə 25 şəhər və rayonda 33 yerdə qanvermə aksiyası keçiriləcək.

Oxu24.com xəbər verir ki, bu barədə Trend-ə Səhiyyə Nazirliyindən bildiriblər.

Qeyd edilib ki, aksiyalar 25 məscid və ziarətgahda, 8 səhiyyə müəssisəsində təşkil olunacaq. Bakıda 8 rayon üzrə 15 yerdə qanvermə aksiyası keçiriləcək.

Onun 13-ü məscid və ziyarətgahlar, 2-si səhiyyə müəssisələridir. Bu il qanvermə aksiyalarının keçiriləcəyi yerlərin sayı ötən il ilə müqayisədə artıb.

Belə ki, ötən il 24 rayon və şəhər üzrə 28 yerdə qanvermə aksiyası keçirilmişdi.

Xatırladaq ki, sentyabrın 1-dən Məhərrəm ayı başlayıb, sentyabrın 10-da Aşura günü qeyd ediləcək.

Trend qanvermə aksiyalarının keçiriləcəyi yerlərin siyahısını təqdim edir: Oxu24.com