Bu barədə İslam məzhəbləri arasında fikir ayrılıqları vardır. Cəfəri məzhəbinə görə, hər surənin başlanğıcında (Tövbə surəsindən başqa) gələn "Bismillahir-Rəhmanir-Rəhim" ayəsi həmin surənin tərkib hissəsi və ilk ayəsi sayılır. Surələri tilavət edərkən, mütləq əvvəldə "bismillah" ayəsi oxunmalıdır. Xüsusilə, namaz qılan zaman istər Fatihənin, istərsə də sonrakı surənin əvvəlində mütləq "Bismillahir-Rəhmanir-Rəhim" ayəsi tilavət edilməlidir, bu edilməzsə, surə yarımçıq oxunmuş sayılacaq. Əhli-sünnə məzhəbində geniş yayılmış rəyə görə, "Bismillahir-Rəhmanir-Rəhim" cümləsi Quran surələrinin tərkib hissəsi sayılmır. Namaz zamanı surələrin əvvəlində bunu söyləməmək də olar və bunun namaza heç bir təsiri yoxdur. Oxu24.com