Baba Vəziroğlu: " Mən deyərdim ki, bu gecikmiş qərardır"  

Məktəblərdə vahid geyim qaydalarına əməl olunması şagirdlər arasında intizamın qorunması, sosial fərqlərin ön plana çıxmaması və bərabər təhsil mühitinin formalaşdırılması baxımından cəmiyyətin diqqət mərkəzindədir. Bu qaydaların qorunması eyni zamanda milli-mənəvi dəyərlərin və məktəb mədəniyyətinin düzgün istiqamətdə inkişafına təsir göstərir. Məsələ ilə əlaqədar olaraq uşaqların tərbiyəsi, davranışı və məktəb mühitindəki qarşılıqlı münasibətlər geniş müzakirə olunur. Ölkəmizdə müxtəlif etnik qrupların və dini baxışların nümayəndələrinin bir arada yaşadığı nəzərə alınarsa, məktəb divarları daxilindəki nizam-intizam daha da aktuallıq qazanır.

Baba Vəziroğlu: "Bu qərar gecikmiş qərardır"

Mövzu ilə bağlı Oxu24.com-a danışan Əməkdar İncəsənət Xadimi, şair, “Şərəf” ordeni laureatı Baba Vəziroğlu bildirib ki, məktəblərdə vahid geyim qaydaları hərtərəfli düşünülmüş və vaxtında verilmiş düzgün qərardır:

"Hətta mən deyərdim ki, bu vaxtı keçmiş qərardır. Çünki bu, doğrudan da bu qərar çoxdan verilməli idi”.

Şair qeyd edib ki, Azərbaycan çoxetnikli, müxtəlif dini baxışlara və milli mentalitetə malik xalqların yaşadıqları azad məmləkətdir:

“İnsanların düşüncə müxtəlifliyi, öz milli adət-ənənələrinə riayət etmək azadlığı vardır. Lakin məktəbdə bu azadlıqlar müəyyən çərçivəyə alınmalıdır, çünki məktəb dini və ya milli məbəd deyil, təhsil məbədidir. Məktəb insanlara işıq verən, ziya verən bir məbəddir”.

"Hər kəs məktəb nizam-intizamına hörmətlə yanaşmalıdır"

Baba Vəziroğlu vurğulayıb ki, Azərbaycanda yaşayan hər bir kəs məktəbə öz dini baxışlarını, təriqətini və ya inancını apara bilməz:

”Məktəb divarları arasında təhsil məbədiyinin öz konkret azadlıqları çərçivəsində qaydalar olmalıdır.

Ölkəmizdə müxtəlif etnik qruplar yaşayır, lakin əgər kimsə məktəbə dəbilqə, nizə və ya xüsusi atributlarla gəlməli olduğunu düşünürsə, bu, sadəcə gülməlidir.

Məktəb – elm, təhsil, ziya ocağıdır və bu məbədin qayda-qanunlarına hər kəs hörmətlə yanaşmalıdır.

Bu hörmət həm şagird kollektivinə, həm müəllim kollektivinə, həm də o məktəbə ayaq basan hər kəsə şamil olunmalıdır”.

Çimnaz Telmanqızı

Həmçinin oxuyun

Sərəncam İMZALANDI: Yeni rəhbər təyin edilib

Baba Vəziroğlu: " Mən deyərdim ki, bu gecikmiş qərardır"  

Bakıda məktəbdə HADİSƏ: Mədinənin cibindən nə çıxıb?

Prezidentin sərəncamında yer alan tələbələr KİMLƏRDİR? -FOTOLAR