Məleykə Abbaszadə BDU-da nəyi dəyişəcək? - AÇIQLAMA
21 Noyabr 2026, 23:53
Qaynar xətt:
(+99450) 247 90 86
CƏMİYYƏT
1090
12.10.2026, 10:57
Məktəblərdə vahid geyim qaydalarına riayət edilməməsi hansı fəsadlara yol açır? – AÇIQLAMA
Orta məktəblərdə vahid geyim qaydalarına riayət olunması şagirdlər arasında nizam-intizamın qorunması və bərabər təhsil mühitinin formalaşdırılması baxımından ən mühüm məsələlərdən biridir.
Bu tələb sadəcə inzibati qayda deyil, eyni zamanda gənc nəslin mənəvi formalaşmasına xidmət edən yüksək mədəniyyət göstəricisidir.
Vahid məktəbli forması şagirdlər arasında sosial və mənəvi bərabərliyi təmin edir, onları fərqli sosial fərqliliklərdən uzaq tutur. Şagirdlərin geyimi onların təfəkkürünə və mənəvi dünyasına birbaşa təsir göstərdiyi üçün bu qaydalara bəri başdan riayət olunması vacibdir.
Lakin bəzən məktəblərdə geyim qaydalarının pozulması, xüsusilə yeniyetməlik dövründə uyğun olmayan geyimlərin geyilməsi müşahidə edilir. Eyni zamanda fərdi həyat tərzini əks etdirən dini və ya digər fərdi elementlərin məktəb mühitinə gətirilməsi də doğru hesab edilmir.
Məktəb fərdi yaşantıların deyil, ümumi təhsil və tərbiyənin mərkəzidir. Şagirdlər burada təkcə bilik almaqla kifayətlənmir, həm də gələcəyin şəxsiyyəti kimi yetişirlər. Şəxsiyyət kimi formalaşma dövründə mənfi meyilləri təqlid etməyin qarşısı qətiyyətlə alınmalıdır. Dövlətin və Nazirlər Kabinetinin qoyduğu qaydalara əməl etmək gələcəyimizin sağlam formalaşması üçün mütləqdir.
Mövzu ilə bağlı Oxu24.com-a açıqlama verən Akademik, Azərbaycanda Atatürk Mərkəzinin direktoru Nizami Cəfərov bildirib ki, orta məktəblərdə ümumi geyim formasına riayət olunması böyük əhəmiyyət kəsb edir:
“Orta məktəblərdə ümumi geyim formasına riayət olunması çox vacibdir. Bu, təkcə nizam-intizam deyil, həm də yüksək mədəniyyətdir və biz bu mədəniyyətə yeniyetmələrimizi bəri başdan öyrətməliyik. Burada həm sosial bərabərlik, həm mənəvi bərabərlik gözlənilir. Çünki geyim nəticə etibarilə mənəviyyata gətirib çıxarır”
Akademikin sözlərinə görə, uşağın (xüsusilə yeniyetmə qızların) məktəbə çox çılpaq şəkildə gəlməsi nöqsandır. Ya da hicabla gəlirsə, bu da nöqsandır. Çünki bu cür məsələlər fərdi yaşantılar, fərdi əhval-ruhiyyə və fərdi həyat tərzi ilə bağlıdır. Bunları ictimai yerə, xüsusilə məktəbə gətirmək olmaz:
“Məktəb elə yerdir ki, buradan uşaqlar təlimlə yanaşı tərbiyə alıb çıxırlar, gələcəyə hazırlanırlar, şəxsiyyət olurlar. Şəxsiyyət olmamışdan əvvəl hər hansı mənfi xüsusiyyətləri qəbul etməmək və ya onları təqlid etməmək lazımdır. Məktəb buna icazə verməməlidir. Nazirlər Kabinetinin qərarına əməl olunmalıdır və deyilənlər yerinə yetirilməlidir — əgər biz gələcəyimizin, uşaqlarımızın normal olmasını istəyiriksə”.
Çimnaz Telmanqızı
01:34 / 22 Noyabr 2026
168
01:33 / 22 Noyabr 2026
158
23:53 / 21 Noyabr 2026
752
23:41 / 21 Noyabr 2026
251
23:11 / 21 Noyabr 2026
1347
23:00 / 21 Noyabr 2026
169
22:47 / 21 Noyabr 2026
462
22:32 / 21 Noyabr 2026
218
22:20 / 21 Noyabr 2026
665
22:02 / 21 Noyabr 2026
579
21:49 / 21 Noyabr 2026
183
21:32 / 21 Noyabr 2026
661
21:27 / 21 Noyabr 2026
201
21:20 / 21 Noyabr 2026
181
21:17 / 21 Noyabr 2026
943
20:49 / 21 Noyabr 2026
1291
20:33 / 21 Noyabr 2026
221
20:09 / 21 Noyabr 2026
2354
19:14 / 21 Noyabr 2026
868
19:12 / 21 Noyabr 2026
257
18:41 / 21 Noyabr 2026
189
18:29 / 21 Noyabr 2026
194
18:19 / 21 Noyabr 2026
186
© 2026 Oxu24.com Müəllif hüquqları qorunur.