Tanınmış şairdən hicab AÇIQLAMASI: Vahid məktəbli forması...

VAHİD MƏKTƏBLİ GEYİMİ ƏN İDEAL SEÇİMDİR.

İslami dəyərlər hər bir türk insanı, eləcə də Azərbaycan vətəndaşı üçün əzizdi. Biz bu dəyərlər daxilində tarixi ənənələrimizə və inanclarımıza sahib çıxdıq. Bütün hallarda islam əxlaqına tapındıq.  Peyğəmbər əfəndimizin təbirincə, İslamı gözəl əxlaq bildik. Bu əxlaqa düşüncəmizlə, xalq, millət , vətən , milli ənənələrə sadiqlik, vəfadalıq duyğumuzla, sevgimizlə sahib çıxdıq.

Bunu Oxu24.com-a açıqlamasında tanınmış şair və publisist Sərvaz Hüseynoğlu bildirib.

Şairin sözlərinə görə,ən çətin dövrlərdə belə türkçülük düşüncəmiz, islami dəyərlərimiz bizi ayaqda saxladı. Bütün bunlar tarixi həqiqət, millətimizin yaşam tərzidi.Bu tarixi və zəngin irsi siyasi oyunların ayağına vermək, suyu bulandırmaq cəhdləri isə həmişə olub. Necə ki, son günlərdə hicab mövzusunu gündəmə gətirməklə, dövlətimizin aydın siyasətinə dil uzadanlar meydandadı...

 "Təbii, əsrlərdi ki, xalqımız qadın baş geyimlərinə, hicab örtüyünə islami dəyər atributu kimi baxıb. Nənələrimiz, fərqli bölgələrdə analarımız, gəlinlərimiz bu ənənələri ləyaqətlə davam etdiriblər. Tolerantlığın beşiyi olaran Azərbaycan dövləti bu məsələdə dünyəvi prinsip siyasəti yürüdüb. Milli dəyərlərə sadiqliyi ilə seçilib. Eyni zamanda İslam pərdəsi altında xurafatı təbliğ edənlərə qarşı inamlı dirəniş göstərib.  Bu gün də belədi. Xüsusilə, məktəblı qızlarımızın, fidan balaların hicab, baş örtüyü ilə dərslərə davam etməsini məqsədli şəkildə təblğ edənlərə qarşı birmənalı şəkildə dövlət və xalq təpkisi bir aradadı. Dövlət də, xalq da bu məsələdə haqlı olaraq yekdildi. Söhbət məktəb həyatından gedirsə,  valideynlər və cəmiyyət bu məsələni və siyasəti anlaşıqla qəbul etməlidi. Bu sahədə dövlətin apardığı haqlı siyasəti dünyəvilik sərvəti, prinsipi kimi qəbul etməliyik. Bilmək lazımdı ki, məktəbli qız balalarımızın baş örtüyü ilə məktəb həyatına qədəm basması təhsil sahəsində özünü doğrultmur. Fərqli baxış və münasibətələ qarşılanır. Vahid məktəbli forması ən ideal seçimdi",-deyə S.Hüseynoğlu bildirib.

Jalə

Həmçinin oxuyun

Bakıda daha bir jurnalistə hücum OLDU

Pensiyaçılar, uşaqlar və işləyənlər üçün YENİ MƏBLƏĞLƏR AÇIQLANDI

Hadisə yerində ÖLƏNLƏR VAR

Azərbaycanda yeni cərimələr müəyyənləşdirilir