Azərbaycanda Çin avtomobillərinin taleyi belə olacaq — Açıqlama

Avropa İttifaqı Çindən hibrid avtomobillərin idxalını məhdudlaşdırmağa hazırlaşır. Aİ Çin istehsalı olan hibrid avtomobillərin Avropa bazarında sürətlə artan payının qarşısını almaq məqsədilə idxala məhdudiyyət tətbiq etməyi nəzərdən keçirir.

Azərbaycanda da belə qadağa qoyulması gözləniləndir?

Oxu24.com xəbər verir ki ,Demokrat.az-a bu barədə nəqliyyat üzrə ekspert Razil Nağıyev bildirib ki, Aİ-nin Çin istehsalı hibrid avtomobillərə mümkün məhdudiyyət tətbiq etməsi ilə Azərbaycanın eyni addımı atması arasında ciddi fərq var.

Azərbaycanda Çin avtomobillərinin taleyi belə olacaq — Açıqlama

Onun sözlərinə görə, Aİ burada əsasən öz avtomobil sənayesini Çin istehsalçılarının sürətli genişlənməsindən qorumağa çalışır:

"Azərbaycanda isə hazırda Çin avtomobilləri ilə rəqabət aparan genişmiqyaslı yerli minik avtomobili istehsalı olmadığı üçün belə bir risk Aİ-dəki qədər aktual deyil. Əksinə, Azərbaycanda Çin avtomobillərinin bazardakı payı sürətlə artıb. 2025-ci ildə ölkəyə gətirilən 73 678 hibrid avtomobilin 62 488-i Çinin payına düşüb. Eyni zamanda, Azərbaycan Çin şirkətləri ilə elektrik avtomobillərinin və digər nəqliyyat vasitələrinin yerli istehsalı üzrə əməkdaşlığı genişləndirir".

Ekspert əlavə edib ki, bu səbəbdən Azərbaycanda yaxın perspektivdə Çin istehsalı hibrid avtomobillərə birbaşa qadağa və ya Aİ modelində kvota tətbiq ediləcəyini ehtimal etmir:

"Daha real variant vergi, gömrük və texniki tələblər vasitəsilə bazarın tənzimlənməsidir. Burada əsas məsələ gələcəkdə yerli istehsalın hansı səviyyəyə çatacağı olacaq. Əgər Azərbaycanda avtomobil istehsalı və yığımı genişlənərsə, daxili istehsalçıların qorunması məsələsi də daha ciddi şəkildə gündəmə gələ bilər".

Qeyd edək ki, ittifaq Çindən gətirilən hibrid avtomobillər üçün idxal kvotası müəyyənləşdirməyi planlaşdırır. Təklifin əsas məqsədlərindən biri Avropa avtomobil istehsalçılarını qorumaq və Çinlə ticarət kəsirini azaltmaqdır. Qeyd olunur ki, son bir ildə Çindən Avropa İttifaqına plug-in hibrid avtomobillərin idxalı 86 faiz artıb. Eyni dövrdə bu avtomobillərin orta qiyməti təxminən 20 faiz azalıb. Aİ-nin təklifinə əsasən, Çin hibrid avtomobillərinin Avropa bazarındakı payının müəyyən həddə saxlanılması nəzərdə tutulur. Hazırda isə söhbət tam idxal qadağasından deyil, məhdudiyyət və kvota mexanizmindən gedir.

Həmçinin oxuyun

İlham Əliyev başsağlığı verdi

Minimum əməkhaqqı artırılacaq - Bu tarixdən 

Yeməkdən sonra yuxusu gələnlər BUNU BİLMƏLİDİR -SƏBƏB

Ramiz Mehdiyevin SONU