Metronun başına düşən daş -   Hardasan,ay Tağı Əhmədov!?

Metro qatarı tuneldə qaldı,metro gecikdi,metroda nasazlıq yaşandı...Bu ifadələrə artıq adət etmişik.Daha doğrusu bizə adət etdirdilər.

Metronun bir ölkə üçün strateji əhəmiyyətli obyekt olması və əhalinin hərəkətində əsas vasitə olması hər kəsə gün kimi aydındır.Amma görünən odur ki,metronun başında oturanların başı nəyəsə bərk qarışıb.

Dövlət insanların rifahı üçün hər şeyi edib və edir.Lazım olan maliyyə ayrılır,yenililər tətbiq olunur və s. Bəs,bəzi məmurlar?

Yerin üstündə başı nələrəsə qarışan rəhbər şəxslərin yerin altında baş verənlərdən xəbəri yoxdur. Yoxsa,həftədə bir dəfə metroda bu kimi hallar yaşanmazdı...

Problem bir yana heç məsələyə münasibət bildirmək adətləri də formalaşmayıb.Hadisəni mətbuat yayır,insanlar sosial mediada paylaşımlar edir,metronun mətbuat xidməti isə hələ də yatıb...Yaxud da problemi ört-basdır etmək üçün hansısa bəhanə uydururlar,nağıl hazırlayırlar...Yadıma gəlir,ötən il Yaponiyada metro qatarı bir neçə saniyə gecikdiyi üçün məsul şəxslər sərnişinlərədn üzr istəmişdi...Yox,Yaponiya olmayın,bunu demirəm.Heç olmasa qonşu ölkələr qədər olun! Bu yaxınlarda bizə qonşu iki ölkədə oldum.Qatara minməyə qorxum olduğu üçün metrodan istifadə etmək istəmirdim.Xahişim Bakı metrosuna getmişdi.Həmin ölkədə yaşayan dostum bunu eşidəndə təəccüb etdi."Bizdə metro tuneldə qaldı nə deməkdir?Belə hadisələr olsa rəhbər şəxsləri tutarlar dedi"...Həqiqətən də bir neçə dəfə həmin ölkələrdə metrodan istifadə etdim.Heç bir təhlükə də yaşanmadı...

Metronun başına salınan daşı sadalamaqla bitmir...Bu əsrdə metroda kondinsioner niyə olmasın ki?Bu gün yaşanan hadisə də insanların əksəriyyəti havasızlıqdan şikayətlənirdi...Hər şeyi qaldırdıq,bəs keyfiyyət nə zaman qalxacaq?Yoxsa başımız hələləlik başqa işlərə qarışıb...

Yadıma bu hadisələrdə rəhmətlik Tağı Əhmədov düşdü...Bu gün yaşananları gördükcə, Tağı Əhmədovun özünə də,atasına da rəhmət oxumalıyıq...O kişinin zamanında bugünki kimi metroda problem adət halını almamışdı.Çünki Tağı Əhmədov metroya yerin altından gəlmişdi...Ən dəqiq məsələlərə qədər işdən hali idi...Bəs,Vüsal Aslanov?...

Miri Məcidli

Həmçinin oxuyun

İşləyən şəxslərə VACİB XƏBƏR: Məzuniyyət belə veriləcək

Məktəbli faciəli şəkildə həyatını itirdi  - FOTO

5 oktyabrda bu bürclərə uğurlu olacaq   —  ULDUZ FALI

10 gün ərzində qeydiyyata düşməyənləri CƏRİMƏ GÖZLƏYİR – Hüquqşünas açıqladı