“Cənubi Qafqazın gələcəyi Azərbaycanın iradəsi ilə müəyyən olunur”- Günay Ağamalı   

Xəbər verdiyimiz kimi, dünən Rusiya Prezidenti Vladimir Putinlə Ermənistanın baş naziri Nikol Paşinyan arasında görüş keçirilib. Rusiya ilə Ermənistan arasında son dövrlər artan siyasi gərginlik fonunda Moskvada baş tutan Putin–Paşinyan görüşü regionda baş verən proseslər fonunda xüsusi diqqət çəkir. Vladimir Putin və Nikol Paşinyan arasında keçirilən bu danışıqlar həm ikitərəfli münasibətlərin gələcək trayektoriyası, həm də Cənubi Qafqazda qüvvələr balansı baxımından mühüm siqnallar verir. Xüsusilə nəqliyyat-logistika layihələri və regional əməkdaşlıq perspektivləri fonunda bu görüşün nəticələri region ölkələri, o cümlədən Azərbaycan üçün də xüsusi əhəmiyyət daşıyır.

 Görüş  barədə Oxu24.com-a danşan  Milli Məclisin deputatı, Ana Vətən Partiyasının sədri Günay Ağamalı deyib ki, Paşinyanın Moskva səfəri Ermənistanın uzun illər ərzində yürüdüyü nəticəsiz siyasətin növbəti çıxış yolu axtarışıdır.

“Qərbdən imdad diləyən, digər tərəfdən Rusiyanın qəzəbindən çəkinib Moskvaya görüşə gedən Ermənistan rəhbərinin çarəsizliyinə dəlalət edir. 

Nəqliyyat-logistika gündəliyində əsas diqqət Zəngəzur dəhlizinə yönəlib. Rusiya Zəngəzur dəhlizi üzərində öz nəzarətini bərpa etmək istəyir, Ermənistan isə suverenlik adı altında bundan qaçmağa çalışır. Ermənistan və Rusiyanın öz aralarında nəyi müzakirə etməsindən asılı olmayaraq, bölgənin əsas söz sahibi Azərbaycandır. Biz öz şərtlərimizi çoxdan qoymuşuq,  Zəngəzur Dəhlizi açılmalıdır. Bu, bizim Naxçıvanla olan kəsilməz bağlantımızdır. 

Paşinyan rəsmi Bakının şərtlərini qəbul etmək məcburiyyətindədir. Rusiya ilə Qərb arasında qalan Ermənistan rəhbərliyi  anlamalıdır ki, onun xilası nə Moskvadadır, nə də Parisdə. Onun yeganə yolu Azərbaycanın ərazi bütövlüyünü həzm edib, bizim diktə etdiyimiz sülh sənədinə imza atmaqdır. Biz artıq qalib tərəfik və bu reallığı heç bir Moskva görüşü dəyişə bilməz. Cənubi Qafqazın gələcəyi Azərbaycanın iradəsi ilə müəyyən olunur”.

Mehin Mehmanqızı

Həmçinin oxuyun

2 iyunda bizi nələr gözləyir? — ULDUZ FALI

Sizə işdən bu halda 3 gün əvvəl pul VERİLMƏLİDİR  — VƏKİL AÇIQLADI

Qarabağa köçənlərə böyük MÜJDƏ: Güzəştlər,yeni evlər və daha nələr... — GENİŞ ŞƏRH

Prezident tapşırıq verib: Azərbaycanın rayonlarında köklü dəyişiklik əsasən bu sahələrdə olacaq — RƏSMİLƏR DANIŞIR