Azərbaycanlı professor Türkiyədə vəzifə aldı

Tanınmış azərbaycanlı rəssam Səlçuq Universitetində yüksək vəzifəyə təyinat alıb.

Oxu24.com xəbər verir  ki, azərbaycanlı rəssam və memar, sənətşünas alim, professor İlham Ənvəroğlu Türkiyə Cümhuriyyətinin Konya şəhərində yerləşən məşhur Səlçuq Universitetinin incəsənət fakültəsinin dekanı vəzifəsinə təyin olunub. 

İlham Ənvəroğlu 1970-ci ildə Ağcabədi şəhərində görkəmli filoloq-alim, professor, şair Ənvər Əhmədin ailəsində dünyaya gəlib.

Orta təhsilini başa vurduqdan sonra Bakıdakı Əzim Əzimzadə adına Azərbaycan Dövlət Rəssamlıq Məktəbini, daha sonra Azərbaycan Dövlət İnşaat Mühəndisləri İnstitutunun memarlıq fakültəsini bitirib.

1990-cı illlərin sonlarında Türkiyəyə köçən İlham Ənvəroğlu Konya şəhərindəki Səlçuk Universitetində elmi fəaliyyətə başlayıb.

O burada magistr və doktorantura təhsillərini tamamlayıb.

Uzun illər universitetdə pedaqoji və elmi-praktik fəaliyyətlə məşğul olan rəssam indiyədək 50-dən çox milli və beynəlxalq sərgidə iştirak edib. İlhamın Azərbaycanla yanaşı Türkiyənin onlarla şəhərində keçirilən çoxsaylı fərdi sərgilərində əsərləri uğurla nümayiş olunub. 

İlham Ənvəroğlu 2006-cı ildə 67-ci Dövlər Rəsm və Heykəl Sərgisində, 2008-ci ildə “Kempinski Sənət Günləri” sərgisində birincilik mükafatına layiq görülüb. 2010-ci ildə Baloton-Szalon Kiçikhəcmli İşlər Bienalesində əsərləri mükafatla təltif olunub. O, UNESCO Beynəlxalq Plastik Sənətlər Assosiasiyasının üzvüdür. “Aman ovçu”, “Şaman”, “Müqəddəs səhərlər”, “Cənnət quşu” və sair məşhur əsərlərin müəllifi olan sənətkar Azərbaycan Türkiyə mədəni əlaqələrinin inkişafında mühüm rol oynayıb. Həm yaradıcılığı, həm də elmi fəaliyyəti ilə Azərbaycana şöhrət gətirən İlham Ənvəroğlu Azərbaycan Respublikasının Prezidlenti İlham Əliyevin sərəncamı ilə “Tərəqqi” medalı ilə təltif olunub. 

İlham Ənvəroğlunun atası Ənvər Əhməd uzun müddət Azərbaycan Müəllimlər İnstitutunun Ağcabədi filalının direktoru və Azərbaycan Yazıçılar Birliyinin Qarabağ bölməsinin  sədri olub. Əmiləri Əhməd Elbrus, Əbülfət Misiroğlu, Yusif Misiroğlu, Nazim Əlioğlu,  müasir Azərbaycan ədəbiyyatında  imzası kifayət qədər tanınmış şəxslərdir. 

Miri Məcidli

Həmçinin oxuyun

Əli Əsədov qərarı İMZALADI:Bu müddət 6 aya endirilib

1 oktyabrda bizi nələr gözləyir?  —   ULDUZ FALI

Türkiyə həmin silahı Azərbaycana verir:Hansı gücdə olduğunu EKSPERT AÇIQLADI

Əhaliyə xəbərdarlıq!Sel,daşqın və qar gözlənilir