Hər kəsin sevdiyi “Sən yadıma düşəndə'” əslində kimə həsr olunub? – Nakam sevginin sarsıdıcı tarixçəsi

$Hər kəsin sevdiyi “Sən yadıma düşəndə\'” əslində kimə həsr olunub? – Nakam sevginin sarsıdıcı tarixçəsi  $

CƏMİYYƏT

777

31.03.2026, 22:25

Azərbaycan musiqi tarixinin ən sevilən incilərindən biri olan "Sən yadıma düşəndə" mahnısı onilliklərdir ki, dillər əzbəridir. Lakin bu ecazkar bəstənin arxasında böyük bir sevgi acısı və nakam qalmış bir həyat hekayəsi dayanır.

Mahnının sözlərinin müəllifi, şair Dəmir Gədəbəyli gənc yaşlarında Müşgünaz adlı bir xanımı sevir. Gənclər bir-birinə bəslədikləri təmiz duyğularla ailə qurmaq istəsələr də, qızın atasının sərt etirazı bu izdivacın qarşısını kəsir. Beləliklə, şairin ilk sevgisi uğursuzluqla nəticələnir. Dəmir Gədəbəyli daxilindəki bu sönməz odu və həsrəti misralara tökərək məşhur "Sən yadıma düşəndə" şeirini qələmə alır.

İllər keçdikdən sonra görkəmli bəstəkarımız Elza İbrahimova bu şeirə təsirli bir musiqi bəstələyir. Həmin dövrdə mahnıların mütləq şəkildə bədii şuranın senzurasından keçməsi tələb olunurdu. Bir çox mahnıların "qayçılandığı" və ya qadağan edildiyi bir vaxtda, xoşbəxtlikdən bu bəstə heç bir maneə ilə qarşılaşmır və ilk ifadan xalqın qəlbinə yol tapır.

Mahnının əsl hekayəsi isə şairin ömrünün sonlarında üzə çıxır. Dəmir Gədəbəyli ilk eşqi olan Müşgünaz xanımın vəfat xəbərini alanda dözə bilmir və ömür-gün yoldaşına etiraf edir:

"Bu mahnını məhz Müşgünaz üçün yazmışdım...""Bu mahnını məhz Müşgünaz üçün yazmışdım..."

Beləliklə, hər dəfə bu mahnını dinləyərkən yalnız bir bəstə deyil, eyni zamanda iki qəlbin yarım qalmış hekayəsi Azərbaycanın musiqi yaddaşında yenidən canlanır.

Çimnaz Telmanqızı

Həmçinin oxuyun