Bu içki xərçəng xəstəliyinin qarşısını ALIRMIŞ

CƏMİYYƏT

842

31.03.2026, 00:59

Bu gün dünyanın ən bahalı içkilərindən sayılan viskinin "doğum günü"dür. Bu içkinin zəngin tarixi var. Viski "saf su" mənasını verən kelt dilində Uisge beatha sözündən gəlir. XV əsrdə Şotlandiya rahibləri arpadan əldə etdikləri distillə edilmiş içkini belə adlandırırdılar. Şotlandiyada viski arpadan hazırlanır və torf tüstüsü üzərində hisə verilir ki, bu da içkiyə xüsusi dad verir.

Oxu24.com Bizim.Media-ya istinadən xəbər verir ki, İrlandiyada viski üçqat distillə edilir və daha yumşaq həzzə malikdir.

Bu ənənə sonradan Amerika və Yaponiyada qəbul edildi və burada viski hazırlama məktəbləri yarandı. Beynəlxalq Viski Günündə bilicilər dequstasiyalar keçirir, viski barlarına və ustad dərslərinə baş çəkir, istehsalçılar isə xüsusi tədbirlər keçirirlər.

Viski, əsasən arpa, çovdar, buğda və ya qarğıdalı kimi taxılların qıcqırdılması, distillə edilməsi və palıd çəlləklərdə uzunmüddətli saxlanması ilə hazırlanan 40-50% spirtli, aromatik, sərt içkidir. Adətən sek (saf), buzla və ya bir neçə damcı su ilə içilir, həmçinin kokteyllərdə istifadə olunur.

Rəngi açıq sarıdan tünd kəhrəbayı rəngə qədər ola bilər. Qiyməti hamıya əlçatan deyil. Ən ucuzu belə digər içkilərdən bahadır. Londonda hərracda dünyanın ən məşhur şotland viskisinin bir şüşəsi 2,7 milyon dollara satılıb.

Onu da qeyd edək ki, buğda viskisi qırmızı şərabdan daha faydalıdır. Xərçəng şişlərinin inkişafını dayandırmaqda effektlidir. Vaxtilə viski ABŞ-da ancaq tibbi ehtiyaclar üçün istifadə olunurdu.

Viski butulkası, içkinin xüsusiyyətləri itirmədən 100 il saxlana bilər. Açılandan sonra isə 5 il də qala bilir.

Şotlandiyada "whisky" kimi, digər ölkələrdə isə "whiskey" kimi yazılır. Əgər butulkada "whisky" yazılıbsa Şotlandiyanındır, "whiskey" yazılıbsa onda istənilən ölkənin istehsalı ola bilər.

Həmçinin oxuyun