Şair,jurnalist,naşir — Zülfüqar Şahsevənli 75 yaşında

news/2025_12_26/sahsevenli_1766735213.jpg

CƏMİYYƏT

474

26.12.2025, 11:33

Bu gün tanınmış şair,jurnalist və naşir Zülfüqar Şahsevənlinin doğum günüdür.

Oxu24.com xatırladır ki, dəyərli ziyalımız 75 yaşını qeyd edir.

Oxu24.com kollektivi Azərbaycan ədəbiyyatında,jurnalistikasında və nəşriyyat tarixində xüsusi rolu olan Zülfüqar Şahsevənlini doğum günü münasibəti ilə təbrik edir,ona işlərində uğurlar arzu edir.

Zülfüqar Şahsevənli 1950-ci il 25 dekabrda Beyləqan rayonunun Şahsevən kəndində anadan olub.

Burada Gəray Əsədov adına kənd orta məktəbini bitirib.(1969). ADU-nun jurnalistika fakültəsində təhsilini davam etdirib.(1973-1978). "Gənclik" nəşriyyatında kiçik redaktor, redaktor, böyük redaktor işləyib.(1979-1999). "Günay" qəzeti redaksiyasında baş redaktor, baş direktor vəzifəsində çalışıb.(1999-2001).

Həmçinin oxuyun

Politoloqdan ŞOK AÇIQLAMA: Azərbaycan rəsmi şəkildə İrandakı proseslərə...

Baş nazirdən maaşlarla BAĞLI QƏRAR

Mahmud Abbasın 21 illik liderliyi: Erməniləri qardaş,bizi düşmən gözündə gördülər...

İlham Əliyev onu vəzifəsindən azad etdi - FOTO

Bədii yaradıcılığa erkən başlayıb. İlk "Çinar" şeri "Yüksəliş" rayon qəzetində, "Şahsevənə yolun düşsə" şeri isə "Bakı" axşam qəzetində 1969-cu ildə dərc olunub.

Bundan sonra dövri mətbuatda vaxtaşırı çıxış edib."«Çinar pöhrələri" (1979), "Yaşıl budaqlar" (1981), "Bir bayraq altında" (1982), "Gənc istedadlar" (1984), "Dünyamız ağ göyərçin" (1984) və sair toplularda şeirləri çap edilib.

Bədii tərcümə ilə də ardıcıl məşğul olur. Rus, Ukrayna, kabardin-balkar, tacik və özbək ədəbiyyatından seçmə nümunələri doğma dilimizə çevirib.

Azərbaycan televiziyasında məktəblilər üçün "Kitab evi" verilişinin aparıcısı və ssenari müəllifi olub. (1986-1988). Azərbaycan LKGİ MK-nın Fəxri fərmanına layiq görülüb. (1984).

Hazırladı: Miri Məcidli