Qaynar xətt:

(+99450) 247 90 86

Prezidentdən məşhur Cavadzadələr ailəsinin oğlu ilə bağlı SƏRƏNCAM  

news/2025_12_18/prezsaaa_1766055797.jpg

CƏMİYYƏT

914

18.12.2025, 15:02

Xəbər verdiyimiz kimi,Prezident İlham Əliyev  Əziz Əliyev adına Azərbaycan Dövlət Həkimləri Təkmilləşdirmə İnstitutu əməkdaşları “Tərəqqi” medalı ilə təltif  edib.

Oxu24.com xəbər verir  ki,təltif olunanlar sırasında  Cavad-zadə Mir-Riad Mir-Məmməd oğlu da var.

Cavad-Zadə Mir-Riad Mir-Məmməd oğlu Ə.Əliyev adına  Azərbaycan Dövlət Həkimlərin Təkmilləşdirmə İnistitutunun dermato-venerologiya kafedrasının professorudur.

O,məşhur  akademik  Mir-Məmməd Cavadzadənin oğludur.

M.C.Cavadzadə respublikada çoxsaylı uroloji istiqamətlərin əsasını qoy­muş və onun fəaliyyəti tibb elminin urologiya və operativ nefrologiyanın isti­qa­mətləri: anesteziologiya problemləri; böyrək çatışmazlığı, onun pato­gene­zi, konservativ və fəal müalicəsi; uşaq uronefrologiyası problemləri; urolo­giyada damar tədqiqatları və nefrogen hipertenziya problemlərinə dair təd­qiqat­lar aparıl­ması, yeni diaqnostika və müalicə üsullarının işlənib hazırlan­ması ilə bağlıdır.

Akademik M.C.Cavadzadə respublika Ali Sovetinin 2 çağırış müddə­tinə de­pu­tatı, AR Səhiyyə Nazirliyinin baş uroloqu olmuş, “Azərbaycan Tibb jurnalı”­nın, “Urolo­giya və nefrologiya” jurnalının redaksiya heyətinin üzvü, Beynəlxalq və Avropa Uroloqlar Cəmiyyətinin həqiqi üzvü, Purkine adına Tibb Cəmiy­yətinin, Bolqa­rıstan Uroloqlar Cəmiyyətinin fəxri üzvü, RTEA-nın Urolo­gi­ya üzrə Elmi və Problem şuralarının üzvü seçilib.

Alimin fəaliyyəti dövlət və ictimaiyyət tərəfindən yüksək qiymətlən­diril­miş, o, “Şərəf nişanı” (1971), “Oktyabr inqilabı” (1981), “Lenin” (1987) və müs­təqil Azərbaycanın “Şöhrət” (1997), “İstiqlal” (2007) ordenləri ilə təltif olun­ub.

Akademik Mir-Məmməd Cavadzadə 7 avqust 2008-ci ildə Bakıda vəfat edib.

Bakıda  akademik Mirməmməd Cavadzadə adına  Respublika Kliniki Uroloji Xəstəxanası fəaliyyət göstərir.

Miri Məcidli