Pensiya ilə bağlı mühüm xəbər: bu şəxslər tez çıxa bilər – 10 il… 

Güzəştli şərtlərlə yaşa görə əmək pensiyası hüququ verən istehsalatların, peşələrin, vəzifələrin və göstəricilərin siyahısında dəyişiklik edilib. Bu barədə Baş nazir Əli Əsədov qərar imzalayıb. Qərara əsasən, qızıl otağının nəzarətçiləri və emal, qırma, daşıma, topaqələviləşdirmə sahələrində nəzarətçilər, qızıl otağının operatorları və emal, qırma, daşıma, topaqələviləşdirmə sahələrində operatorlar, həmçinin metallurqlar siyahıya əlavə olunub.

Bu şəxslərə pensiya ilə bağlı hansı güzəştlər edilir? Siyahıya başqa kimlər əlavə oluna bilər?

Oxu24.com   xəbər verir ki, globalinfo.az-a danışan İqtisadi və Sosial Araşdırmalara Yardım İctimai Birliyinin sədri, iqtisadçı Eyyub Kərimli deyib ki, bu cür güzəştlər, əsasən, əmək pensiyası hüququnun yaşla bağlı azaldılmasına yönəlib:

“Fiziki və psixoloji baxımdan xüsusilə ağır, zərərli şəraitdə çalışan işçilər erkən pensiyaya çıxmaq hüququna malik olurlar. Bu işçilər Əmək pensiyası haqqında Qanunun 10-cu maddəsinə əsasən, xüsusi kateqoriyaya aid edilirlər. Hesab edirəm ki, bu sahədə çalışanlar pensiya yaşına çatmadan əvvəl erkən əmək pensiyası almaq hüququna sahib olmalıdırlar. Güzəştlər, əsasən, bu cür işçiləri əhatə edir və onların sosial müdafiəsini təmin etmək məqsədini güdür. Belə kateqoriyalar üzrə çalışan insanlar pensiya yaşını 5-10 ilədək azalda bilərlər”.

Həmçinin oxuyun

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

İqtisadçı qeyd edib ki, xüsusi şərtlərlə, məsələn, ağır və sağlamlığa zərərli şəraitdə işləyənlər daha qısa stajla pensiya hüququ əldə edə bilərlər:

“Əmək qabiliyyətini itirdikləri halda, sağlamlığa kompensasiya məqsədilə erkən pensiyaya çıxış imkanları mövcuddur. Gələcəkdə radioaktiv maddələrlə işləyən, zərərli toz və kimyəvi buxarlarla təmasda olan, dərin şaxtalarda çalışan mədənçilər, uzun stajlı yanğınsöndürənlər və ağır sənaye, kimya istehsalı, neft emalı sahələrində fəaliyyət göstərən operatorlar da bu güzəştlərdən yararlana bilərlər. Çünki son zamanlar aparılan araşdırmalar göstərir ki, bu sahələr də ağır peşələr sırasına daxildir”.