Şəxsiyyət vəsiqəsinin fotosunu “WhatsApp”la göndərənlərə XƏBƏRDARLIQ 

Şəxsiyyət vəsiqəsinin surəti ilə başqasının adına nömrə götürmək mümkündürmü?

Vətəndaşları maraqlandıran bu sual öz aktuallığını itirmir. Çünki vaxtaşırı hər hansı işlə və ya kreditlə əlaqədar şəxsiyyət vəsiqəmizin surətini telefonla kiməsə və müəyyən WhatsApp qruplarına göndəririk.

Belə hallarda bizim şəxsiyyət vəsiqəmizdən kimsə sui-istifadə edə bilərmi? 

Əslində ölkədəki rəsmi operator sistemləri bu məsələyə ciddi nəzarət edir. Mobil nömrə yalnız şəxsiyyət vəsiqəsinin əsli ilə müraciət edən şəxsin özünə verilir.

Amma praktika göstərir ki, bəzi hallarda, xüsusilə regionlarda nəzarət zəif olanda sadəcə surət əsasında və ya tanışlıqla başqasının adına nömrə açılması halları olur.

Müştəri münasibətlərinin idarə edilməsi üzrə mütəxəssis Tural Seyidlinin tövsiyəsinə görə şəxsiyyət vəsiqəsi ilə bağlı sorğular olduqda heç vaxt WhatsApp və digər qeyri-rəsmi kanallar vasitəsilə vəsiqənin üzü paylaşılmasın:

Həmçinin oxuyun

Türkiyə Gültəkin Hacıbəyli ilə bağlı qərarını verdi 

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar? 

Prezidentin general-leytenant rütbəsi verdiyi Adil Abdullayev kimdir? 

“Əgər məlumatın göndərilməsi zəruridirsə, yalnız rəsmi əməkdaşın korporativ e-poçt ünvanına göndərin. Bu halda sorğuların tarixçəsini izləmək mümkün olacaq. Köşk tipli satış məntəqələrində bəzən nömrənin aktivləşdirilməsi üçün vəsiqənin şəklini çəkib WhatsAppla göndərirlər, buna icazə verməyin”.

Bəs əgər vətəndaşın xəbəri olmadan artıq onun adına nömrə götürülübsə, məsuliyyət kimdə olur?

Hüquqşünas Cavid Yolçuyev Bizim.Media-ya bildirib ki, əgər sübut olunsa ki, nömrə vətəndaşın xəbəri olmadan açılıb, o zaman vətəndaş məsuliyyət daşımır, çünki onun iradəsi olmadan açılıb.

Qanunsuz əmələ görə məsuliyyəti operator (və ya onun əməkdaşı) və nömrədən istifadə edən şəxs daşıyır. Əgər vətəndaşın adına açıldığı təsdiqlənib, amma xəbərsiz olduğunu sübut edə bilmirsə, müəyyən müddətdə araşdırılma aparılıb saxtakarlıq sübuta yetirilir və vətəndaş məsuliyyətdən azad olunur.

Hüquqşünas vətəndaşlara məsləhət görür ki, vaxtaşırı mobil operatorlardan öz adınıza qeydiyyatda olan nömrələri yoxladın. Əgər sizin xəbəriniz olmadan açılmış nömrə aşkarlanarsa, dərhal operatora müraciət edərək ləğv etdirin.