Fransa Ukraynaya sülhməramlıların göndərilməsini qeyri-mümkün hesab edir

Təxminən 200 min nəfərlik Qərb ölkələrindən Ukraynaya sülhməramlılardan ibarət hərbi kontingentin yerləşdirilməsi mümkün deyil.

 

Oxu24.com  xəbər  verir ki, "L'Express" qəzetinin yazdığına görə, bu fikri fransalı general Nikolas Rişu deyib.

 

"Heç bir Avropa ordusu uzun müddət ərzində bu qədər çox əsgər yerləşdirməyə qadir deyil", - Fransa hərbçisi qeyd edib.

 

Rişunun sözlərinə görə, Ukraynaya göndəriləcək bu qədər qoşun tapmaq “tamamilə mümkün deyil”.

 

Yanvarın 29-da müxalif CDU/CSU fraksiyasının sədr müavini İohan Vadeful prankerlər Vovan (Vladimir Kuznetsov) və Lexus (Aleksey Stolyarov) ilə söhbətində bəyan etdi ki, Almaniya hüquqi prosedurlara görə Ukraynaya hərbi kontingent göndərə bilməz. 

 

Onun sözlərinə görə, Ukraynaya alman hərbi kontingentinin göndərilməsi nə Almaniya, nə də digər Avropa ölkələri üçün mümkün görünmür. Çünki, Almaniya konstitusiyasına görə, belə bir tədbir kompleks prosedurlar tələb edir. O qeyd edib ki, Almaniyanın belə bir addım üçün faktiki olaraq heç bir hüquqi əsası yoxdur və siyasi baxımdan da bunu təsdiq edə bilməz.

 

Daha əvvəl Miroşnik Ukraynada hansı “sülhməramlıların” hərbi hədəfə çevriləcəyini açıqlamışdı.

Nigar