Mərhum jurnalist Zülfüqar Hüseynzadənin yaratdığı Moderator.az saytının fəaliyyətə başlamasından 12 il ötür.

Bu informasiya portalı 2012-ci il noyabr ayının 1-i fəaliyyətə başlayıb.

Yarandığı gündən ona rəhbərlik edən Zülfüqar Hüseynzadə və onun seçdiyi peşəkar kollektiv sayəsində Moderator.az qısa zamanda ölkədə tanınaraq ciddi media qurumu kimi nüfuz qazanıb. 

Moderator.az bu gün iki dildə - Azərbaycan və rus dillərində xəbər yayır. Saytın informasiya bloklarında Azərbaycanın siyasi, iqtisadi, sosial, mədəni və idman həyatına dair məlumatlarla yanaşı, regionda və dünyada baş verən hadisələrlə bağlı operativ xəbərlər də öz əksini tapır. 

Sayt yeni yaşında yeni dizaynla oxucularının qarşısına çıxıb. Operativ işləyən kollektiv bundan sonra da fəaliyyətini gücləndirəcək, qurucusunun adına layiq işlər görməkdə davam edəcək.

Qeyd edək ki, Zülfüqar Hüseynzadə ötən ilin iyun ayında öz doğma yurdu olan Kəlbəcər rayonunun Başlıbel kəndinə səfəri zamanı dünyasını dəyişib. Moderator.az 12-ci ilini qurucusu Zülfüqar Hüseynzadəsiz yola salır...

Oxu24.com kollekivi dəyərli Moderator.az kollektivini ürəkdən təbrik edir və işlərində uğurlar arzu edir.