Rusiya Prezidenti Vladimir Putin Monqolustanda qarşılanma mərasimində ona gül verən qızı öpüb.

OXU24.COM xəbər verir ki, həmin anın videogörüntülərini jurnalist Pavel Zarubin öz "Telegram" kanalında yayımlayıb.

“Hörmətli Prezident, Vladimir Vladimiroviç Putin, ölkəmizə xoş gəlmisiniz! Qoy ölkələrimizin dostluğu çiçəklənsin!” - milli geyimdə olan Monqolustanın gənc sakini deyib.

Rusiya lideri təşəkkür edib və qızın yanağından öpüb.

Sentyabrın 2-də Rusiya lideri Monqolustana rəsmi səfərə gəlib. Ertəsi gün Putin respublika prezidenti Uxnaaqiyn Xurelsuxla görüşüb.

Danışıqlar zamanı Putin bildirib ki, hazırda Moskva ilə Ulan-Bator arasında münasibətlər bütün istiqamətlərdə inkişaf edir. Xüsusilə, Rusiya lideri onların iqtisadiyyat və siyasət sahələrində səmərəli qarşılıqlı fəaliyyətinə diqqət çəkib. Rusiya lideri Monqolustanla danışıqları mənalı və konstruktiv hesab edib.