Tədbirdə ilahiyyatçı alimlər, ziyalılar, Quran qariləri o cümlədən digər qonaqlar iştirak ediblər.

Mərasimdə çıxış edən ilahiyyatçılar Həzrət İmam Əli ibn Əbu-Talib (ə) doğum günü münasibəti ilə bütün müsəlmanları həmçinin məclis iştirakçılarını təbrik ediblər.

 

Bildirilib ki, İmam Əlinin (ə) fəzilətləri barədə həm Qurani-kərimdə çoxlu ayələr nazil olmuş, həm də Həzrət Məhəmməd (s) peyğəmbərdən çoxlu mənbələrdə xeyli sayda hədislər nəql olunmuşdur. Həmçinin məzhəbindən, dinindən, təfəkkür tərzindən asılı olmayaraq, müxtəlif yazıçı və mütəfəkkirlər tərəfindən İmam Əli (ə) barədə qələmə alınmış çoxlu əsərlər mövcuddur.

Mərasimdə həmçinin Darul Hikmət Elm və Tədris Mərkəzi bu tədris ili ərzində fərqlənmiş tələbələrinə, Elmar Məhərrəmov və Jalə Məmmədovaya ilin ən yaxşı tələbəsi adları, həmçinin mərkəzin müəllimi Elbrus Kərimova ilin ən yaxşı müəllimi adı verilib.