Bakı 28°C
USD - 1.7010
EUR - 1.9120
RUB - 0.026
13200
az

Azərbaycan Ermənistanın hücumlarının qarşısını almaq üçün sədd çəkir

16:1514 May, 2019
2132
  • A
 

Bu gün Ermənistanla 168 km sərhəddi olan Qazax rayonunda sakinlər düşmən tərəfindən elan olunmamış müharibənin ağrı-acılarını hələ də yaşayırlar. Rayonun 7 kəndi, Bağanis Ayrım, Xeyrimli, Barxudarlı, Sofulu, Qızılhacılı, Yuxarı Əskipara və Aşağı Əskipara 25 ildən çoxdur ki, işğal altındadır. 5 kəndi isə daim erməni silahlı birləşmələrinin atəşi altındadır. Həmin kəndlərdən biri də sərhədə ən yaxın olanı Məzəm kəndidir.

Düşmən mövqelərindən atəşə məruz qalan kənd sakinləri daima qorxu altında yaşayırdılar. Hər zaman düşmən gülləsi ilə üz-üzə dayanan kənd sakinləri normal şəkildə yaşaya bilmirdilər. Sərhəddə yaşayan sakinlərin təhlükəsizliyini daim diqqət mərkəzində saxlaması məqsədi ilə bu kənddə mühavizə divarları çəkilir.

Bu günə kimi 57 evin qarşısına 2530 paqonmetr uzunluğu və 3 metr hündürlüyü olan mühafizə divarları çəkilib. Bundan əlavə, vətəndaşların xahişini nəzərə alaraq daha 5 evin qarşısına 88 p/m uzunluğunda istinad divarının çəkilməsi də nəzərdə tutulub. Kənd əhalisinin təhlükəsiz gediş-gəlişini təmin edəcək hasarın hündürlüyü 3 metr, uzunluğu isə 1 kilometrə yaxın olacaq. Artıq hasarın çəkilməsi başa çatmaq üzrədir. Atəş nöqtələrinə ən yaxın məsafədə yerləşən 21 evin qarşısına da müdafiə hasarları çəkilib.


Bu gün Məzəm kəndində mövcud olan qayğılardan biri də kənddə olan su problemi və bağçanın olmamasıdır. Hər iki məsələ ilə bağlı bu istiqamətdə də məqsədyönlü işlərin görülməsi nəzərdə tutulub.

Münaqişə başlayan vaxtdan bəri 65 evdən ibarət olan bu qəhrəman kənd 8 şəhid verib. Onlardan 4 hərbçi torpaqlarımızın müdafiəsi uğrunda canından keçib. 4 nəfər kənd sakini isə atəşkəs şəraitində düşmən gülləsinin qurbanı olub. 1 nəfər kənd sakini Mərifət Nəsibov isə Azərbaycanın Milli Qəhrəmanı adına layiq görülüb.
Oxu24.com

ŞƏRHLƏR

BÖLMƏNİN ÇOX OXUNANLARI

Son dəqiqə: Ermənistandan Qarabağla bağlı rəsmi açıqlama: Hazırıq...
Bakıda toyda şok hadisə: Aşıq sazı  lüstürdə ilişib  qaldı, restoran sahibi əsəbiləşdi
Azərbaycan yeni silah aldı: Xarici ölkədən  edilən istənilən hücumu dəf edəcək

Bakıda kafedə ÖLÜM

18+

Terrorçularla bağlı dəhşətli video yayıldı - Əsəbi zəif olanlar baxmasın!
Tovuzda kişi sağ ola-ola özünə qəbir qazdırdı (VİDEO)
Bağırsaq xərçəngini yaradan faktor aşkarlandı
Bakıda kafedə ÖLÜM