Prezident İlham Əliyev çıxış edir - CANLI

Bakıda VII Ümumdünya Mədəniyyətlərarası Dialoq Forumu keçirilir.

Oxu24.com xəbər verir ki, Prezident İlham Əliyev Forumda çıxış edir.

VII Ümumdünya Mədəniyyətlərarası Dialoq Forumunda 100 ölkədən 500 xarici qonaq iştirak edir.

Bunu Prezident İlham Əliyev Bakıda "Ortaq gələcək naminə dialoq" mövzusunda VII Ümumdünya Mədəniyyətlərarası Dialoq Forumunun açılış mərasimində çıxışında deyib.

Prezident forumun son illər ərzində sözün əsl mənasında effektiv və inklüziv platformaya çevrildiyini qeyd edib:

"Əslində, forumda qlobal gündəlikdə olan təxirəsalınmaz məsələlər haqqında danışırıq. 2011-ci ildə bizim təşəbbüsümüzlə ilk dəfə belə bir forum təşkil olundu. Mən BMT-yə bu təşəbbüsü dəstəklədiyinə görə təşəkkürümü bildirirəm".

Dövlət başçısı bildirib ki, bu forum iki ildən bir keçirilir və burada hamıya aid məsələlər müzakirə edilir:

"Azərbaycan tarixən və hər zaman çoxmədəniyyətli ölkə olub. Biz Avropa ilə Asiya arasında yerləşirik və əsrlər boyu Azərbaycan Asiya ilə Avropa arasında mədəniyyət körpüsü olub. Multikulturalizm, dini və etnik tolerantlıq ənənələri bizim xalqlarımızın əsrlər boyu gətirdiyi bir irsdir və biz bunu yüksək qiymətləndiririk".

***

Azərbaycanda bütün etnik qrupların, dinlərin nümayəndələri bir ailə kimi yaşayır.

Oxu24.com  xəbər verir ki, bunu Prezident İlham Əliyev Bakıda "Ortaq gələcək naminə dialoq" mövzusunda VII Ümumdünya Mədəniyyətlərarası Dialoq Forumunun açılış mərasimində çıxışında deyib.

Dövlət başçısı bildirib ki, Azərbaycanın sabit inkişafının səbəblərindən biri cəmiyyətdə olan ahəngdarlıqdır

"Multikulturalizm, dini və etnik tolerantlıq ənənələri bizim xalqlarımızın əsrlər boyu gətirdiyi irsdir. Biz bunu yüksək qiymətləndiririk. Bütün etnik qrupların, dinlərin nümayəndələri nəinki konstitusyamız sayəsində bərabər hüquqlara malikdir, o cümlədən bir ailə kimi yaşayır. Biz həqiqətən çox yüksək səviyyədə həmrəyliyi, qarşılıqlı anlaşma və hörməti görürük. Biz hamımız milli ideyalar ətrafında birləşirik. Necə deyərlər, azərbaycançılıq Azərbaycanın bütün xalqlarını bir araya gətirir. Bu birlik müstəqillik tariximizin ən çətin mərhələlərində özünü büruzə verib".

Həmçinin oxuyun

Əlilliyə görə pensiyalarla bağlı AÇIQLAMA

Prezident İlham Əliyev çıxış edir - CANLI

Dəhşətli hadisənin yeni detalları: Adı Cəlal imiş

Saat 10:00-da işıq kəsiləcək - Bu ərazilərdə