Azərbaycan və Ermənistan buna nail olacaqmı? —  2027-2028-ci illərdə gözlənilir

Ermənistanın sülh sazişi ilə bağlı yeni açıqlamaları: 2027–2028-ci illərdə imzalamaq nə dərəcədə realdır?

Azərbaycan və Ermənistan arasında sülh prosesi Cənubi Qafqazda sabitliyin bərqərar olması baxımından həyati əhəmiyyət daşıyır. Son dövrlərdə İrəvan rəsmilərinin səsləndirdiyi ziddiyyətli bəyanatlar isə tərəflər arasında yekun sülh sazişinin imzalanma tarixi ilə bağlı suallar doğurur.

Əvvəllər sazişin 2031-ci ilə qədər uzana biləcəyini iddia edən Ermənistanın baş naziri Nikol Paşinyanın bu prosesi 2027–2028-ci illərə çəkməyin zəruriliyini qeyd etməsi diqqət çəkir. Bu dəyişən mövqe sülh sazişinin perspektivləri və tərəflərin üzləşdiyi əsas maneələr ətrafında geniş müzakirələrə səbəb olur. Azərbaycan tərəfi hər zaman konstruktiv mövqe sərgiləsə də, İrəvanın daxili siyasi manevrləri prosesə təsir göstərir.

Ermənistanın yeni konstitusiya layihəsi hazırlamaq və referenduma getmək planları isə vaxt baxımından müəyyən suallar doğurur. Bütün bu amillər fonunda tərəflərin sülhə nail olması üçün bir sıra hüquqi və siyasi addımları atması zəruridir.

Məsələ ilə bağlı politoloq Məhəmməd Əsədullazadə Oxu24.com-a  fikirlərini bölüşüb.

Politoloq Məhəmməd Əsədullazadə: "Ermənistan hüquqi prosedurlar üçün yol tapmalı və yekun sülh müqaviləsini bağlamalıdır"

Politoloq Məhəmməd Əsədullazadə bildirib ki, Ermənistanın baş naziri Nikol Paşinyan əvvəllər Azərbaycanla sülh müqaviləsinin 2031-ci ilədək bağlanacağını qeyd etsə də, indi bu müddətin 2027-ci ilə qədər bağlanacağını bildirir:

“Təbii ki, Ermənistan ilk növbədə ilin axırına kimi Konstitusiyanın yeni Konstitusiya mətnini elan etməlidir ictimaiyyətə. Gələn il konstitusiya tərkibi ilə bağlı da referendum keçirməlidir.  

Onun sözlərinə görə, müəyyən qədər problem var. Çünki, Ermənistan parlamentihüquqi 70 mandata malik deyil, hüquq üstünlüyü yoxdur, siyasi üstünlüyü yoxdur. Ona görə də konstitusiya referendumu üçün detallı səs sayı yoxdur parlamentdə. Müəyyən qədər əngəldir. Azərbaycan tərəfi də buna baş sərt reaksiya göstərmir.

Məhəmməd Əsədullazadə qeyd edib ki, amma buna baxmayaraq, Ermənistan hakimiyyəti müəyyən hüquqi bir prosedur yolu tapmalıdır və yekun sülh müqaviləsini bağlamalıdır:

“Konstitusiya referendumunun keçirilməsi Azərbaycana qarşı ərazi iddiaları müstəqil bəyanatından çıxarıldıqdan sonra əgər Ermənistan buna edərsə, 2027-ci ildə yekun sülh müqaviləsi bağlana bilər”.

Çimnaz Telmanqızı

Həmçinin oxuyun

Nazirlər Kabineti yeni QƏRAR VERİB

Evlənməyi planlaşdıranlar bunu BİLMƏLİDİR: Mütəxəssislə MÜZAKİRƏ

Həmin Saziş TƏSDİQLƏNDİ  — Prezidentin FƏRMANI

Qar yağacaq - XƏBƏRDARLIQ