Bakıda kirayə ev axtaran vətəndaşları aldadıb pulunu alan "Nərmin" kimdir? - ŞİKAYƏT

Azərbaycanda son günlər internet üzərindən vətəndaşları aldadan fırıldaqçı şəxslər peyda olub.

Oxu24.com xəbər  verir  ki, hələlik şəxsiyyəti müəyyən edilməyən şəxs,yaxud şəxslər internet resurslarında  ev,iş və s.kimi elanlar yerləşdirir. Elanla tanış olan vətəndaş maraqlandığı işə düzəlmək  üçün  getdikdə,yaxud kirayə evi götürmək istəyərkən ondan  əvvəlcədən  beh  tələb  olunur. Vətəndaş qeyd edilən karta  pulu  ödədikdən  sonra  elan  sahibi  telefonu  söndürərək  yoxa  çıxır.

 

Bu məzmunda  Oxu24.com  saytına  müraciət  edən  sakin  Ülviyyə Səxavət qızı  bildirib  ki, Tap.az elan  saytında  kirayə  mənzillə maraqlanıb. Yasamal rayonu ərazisində  yerləşən  evi  kirayə  götürmək  məqsədi  ilə  elanda  qeyd  olunan  070 224 48 55  nömrəsinə  zəng  edib. Özünü   Nərmin kimi  təqdim   edən  şəxs  ev  sahibi  olduğunu  bildirib  və   ilkin  olaraq  karta   50  manat  beh  ödənilməsini   istəyib. Qarşı tərəfə  50  manat  ödəyən  Ülviyyə  Səxavətqızı  may  ayının  18-də  mənzilə  baxmaq  və  köçmək  istəyərkən  elan  sahibi  telefonları  söndürüb  və  yoxa  çıxıb. Ülviyyə xanım  bildirib  ki,  qeyd  olunan  şəxs  təkcə  onu  yox, daha  bir neçə   xanımı  da bu  üsulla aldadıb.

 

Digər  şəxs  Leyla  Rəsulova  saytımıza  açıqlamasında   bildirib  ki,  o  da   ev  kirayə  götürmək  istəyib. Tap.az  saytında  elanda  yerləşdirilən  050 538 45 37  nömrəsi  ilə  əlaqə  saxlayıb. Özünü  Nərmin  kimi  təqdim  edən  şəxs   kart  nömrəsini  ona  göndərib. (həmin hesab: Kapital Bank 4169 7413 2592 6457) Pul ödəndikdən sonra  eyni  qaydada  özünü  Nərmin  kimi  təqdim  edən  şəxs  telefonu  söndürərək  yoxa  çıxıb.

Araşdırmamız  zamanı  məlum  oldu  ki,  qeyd  edilən  şəxs   kütləvi  halda   vətəndaşları  bu üsulla   aldadıb. O, izi  itirmək  məqsədi  ilə  bir  neçə  nömrədən  istifadə  edir  və  kart  hesabı   eyni  olaraq  qalır.

Mövzu  ilə  bağlı  Oxu24.com  Daxili  İşlər  Nazirliyinə  sorğu  ünvanlayıb.