Gəncə Mall-da "Chanel" oğurluğu: 3671 manatlıq ətir və kosmetika apardı

$Gəncə Mall-da \"Chanel\" oğurluğu: 3671 manatlıq ətir və kosmetika apardı$

KRİMİNAL

234

21.10.2026, 18:53

Xəbərlərimizi Google-da izləyin

Yeniliklərdən dərhal xəbərdar olun

Gəncədə bir şəxs bahalı ətir və kosmetika məhsullarını oğurlamaq üçün eyni mağazaya dəfələrlə üz tutub. Onun “Chanel” və “Michael Kors” markalı ətirləri, eləcə də üz kremi oğurlaması nəticəsində şirkətə 3671 manat ziyan dəyib.

Oxu24.com-un məlumatına görə, hadisələr Gəncə şəhəri, Heydər Əliyev prospekti 433 ünvanında yerləşən “Gəncə Mall” ticarət mərkəzində fəaliyyət göstərən “Adore Kompani” MMC-yə məxsus “Adore Parfumery & Cosmetics” mağazasında baş verib.

Məhkəmə materiallarına əsasən, təqsirləndirilən şəxs 2026-cı ilin müvafiq tarixlərində mağazaya müştəri kimi daxil olaraq vitrindəki məhsullara baxıb. Heç kimin onu görmədiyinə əmin olduqdan sonra açıq vitrindən bahalı ətir və kosmetika məhsullarını gizli şəkildə götürüb

O, oğurluqların birində ümumi dəyəri 781 manat olan iki “Chanel” ətrini, digər hadisədə isə 654 manatlıq iki “Chanel” ətrini talayıb. Sonrakı oğurluq zamanı 584 manatlıq iki ətir götürüb.

Təqsirləndirilən şəxs daha sonra mağazadan “Chanel” və “Michael Kors” markalı üç ətir oğurlayaraq 721 manatlıq ziyan vurub. Beşinci epizodda isə həmin markalara aid iki ətir və bir üz kremi götürüb. Bu dəfə mağazaya 931 manat ziyan dəyib.

Beləliklə, beş oğurluq epizodu üzrə “Adore Kompani” MMC-yə ümumilikdə 3671 manat ziyan vurulub.

Məhkəmə iclasında təqsirləndirilən şəxs elan olunmuş ittiham üzrə özünü qismən təqsirli bilib.

Məhkəmənin hökmü ilə o, Cinayət Məcəlləsinin 177.2.2-ci maddəsi (oğurluq təkrar törədildikdə) ilə nəzərdə tutulan cinayət əməlini törətməkdə təqsirli bilinib və 2 il 6 ay müddətinə azadlıqdan məhrum edilib..Qaynarinfo

Həmçinin oxuyun