Qaynar xətt:

(+99450) 247 90 86

Fransa soyuducularına hücumu İran edir? - CAVAB GƏLDİ

Fransa soyuducularına hücumu İran edir? - CAVAB GƏLDİ

DÜNYA

55

10.11.2026, 19:52

Google
Xəbərlərimizi Google-da izləyin
Yeniliklərdən dərhal xəbərdar olun
Abunə ol

İran Xarici İşlər Nazirliyi Fransaya cavab verib.

Oxu24.com xəbər verir  ki, bu barədə İran XİN-i rəsmi bəyanat yayıb.

"Xarici İşlər Nazirliyi Fransa hökumətinin İranın Fransadakı kiber fəaliyyətlərdə iştirakı ilə bağlı əsassız və qərəzli ittihamlarını tamamilə rədd edir və İrana qarşı ittihamlar irəli sürmək siyasətini qətiyyətlə pisləyir",-deyə rəsmi bəyanatda qeyd edilir.

Bəyanatda Fransanın ittihamları "İranın imicinə xələl gətirmək və digər ölkələrlə münasibətlərini pozmaq üçün çox məsuliyyətsiz və gülünc bir tədbir" kimi qiymətləndirilib.

Bəyanatda Fransa rəsmilərinə "başqa ölkələrə müdaxilə etmək üçün böyük büdcələr xərcləmək əvəzinə, öz resurslarını öz xalqlarının dolanışıq və təhsil ehtiyaclarını ödəməyə xərcləmələri" tövsiyə edilib.

Fransada oktyabr ayında yüzlərlə supermarketin soyutma sistemlərini hədəf alan kiberhücumlar qida korlanmasına və maliyyə itkilərinə səbəb olub.

Soyuducu və dondurucularla bağlı oxşar problemlər 2 noyabrda Belçika, Lüksemburq, İsveç, İrlandiya, Hollandiya, Finlandiya və Estoniyadakı bəzi supermarketlərdə bildirildi. Temperaturun yüksəlməsi səbəbindən bəzi müəssisələr qida məhsullarını çıxarmaq və məhv etmək məcburiyyətində qalıblar.

Fransa öz ərazisinə edilən hücumlara görə İranı günahlandırır. Belçikadakı hadisələrlə bağlı istintaqın davam etdiyi və bu hadisələri İran və ya hər hansı digər aktyorla əlaqələndirən və ya Fransadakı hücumlarla əlaqə quran heç bir dəlil tapılmadığı açıqlayıb.

Jalə